Stofnfundur nýrra náttúruverndarsamtaka fór fram á Hótel Vesturlandi í Borgarnesi síðdegis í gær. Hlutu þau nafnið Sól til framtíðar og er skilgreint starfssvæði þeirra Borgarförður norðan Skarðsheiðar, Mýrar og Hnappadalur að Haffjarðará. Á fundinn var boðið áhugafólki um málefnið og það hvatt til að gerast stofnaðilar. Um þrjátíu manns mættu á fundinn. Á honum flutti Andrés Skúlason verkefnisstjóri hjá Landvernd erindi og fjallaði í því um beislun vindorku og áskoranir sem tengjast starfi samtakanna.