medium

large

thumbnail

1536x1536

2048x2048

small

custom-size

Skagakonur með góðan sigur á Aftureldingu

Ýmis óhöpp í umferðinni

Fengu ískalda áskorun frá Lögreglunni á Suðurlandi

Það er vorhret á glugga – napur vindur sem hvín

Kári Viðarsson hlýtur Landstólpann fyrstur Vestlendinga

Koma að flutningi Carmina Burana í Hörpu

core/paragraph

Fyrsti samráðsfundur Öruggara Vesturlands var haldinn á Hótel Hamri í Borgarnesi sl. þriðjudag. Hátt í hundrað manns komu þar saman. Samstarfsvettvangurinn um Öruggara Vesturland var settur á stofn á Farsældardeginum 16. maí á síðasta ári. Að samstarfinu standa rúmlega tuttugu aðilar á Vesturlandi; sveitarfélög, Heilbrigðisstofnun Vesturlands, menntastofnanir, SSV, Vesturlandsprófastsdæmi, sýslumaðurinn á Vesturlandi, íþróttasambönd, Lögreglustjórinn á Vesturlandi og fleiri.

Sigríður Björk Friðjónsdóttir ríkislögreglustjóri setti fundinn en á honum var áherslan lögð á umræðu og fyrirlestra um farsæld barna og ungmenna og hvernig samstarfsaðilar verkefnisins geta stutt betur við þau. Erindi fluttu Hugrún Hrönn Kristjánsdóttir, þýðandi bókarinnar Líkaminn geymir allt um tengsl áfalla og fíknar, Bergdís Wilson sviðsstjóri Miðstöðvar menntunar og skólaþjónustu um úrræði þeirra Heillaspor, Föruneyti barna og Landsteymið og Þóra Jónsdóttir, sérfræðingur hjá SAFT – netöryggismiðstöðinni og Fjölmiðlanefnd fjallaði um hinn stafræna heim barna.

Að sögn Jóns Arnar Sigurþórssonar forvarnarfulltrúa og samfélagslögreglumanns hjá LV unnu þátttakendur í hópum á fundinum með raunhæf dæmi um börn í vanda. Þá var rætt hvernig væri hægt að þróa frekar úrræði fyrir börn á Vesturlandi, hvað væri hægt að gera til að styðja betur við fjölskyldur á svæðinu og annað sem mætti gera betur. „Við hjá lögreglunni höfum þegar fundið hvað Öruggara Vesturland, sem lykilþáttur í vinnu okkar að samfélagslöggæslu, skiptir miklu máli. Það tengir okkur öll sem komum að velferð barna og ungmenna. Von okkar er að fundurinn muni efla enn frekar samvinnu og upplýsingaflæði milli stofnana og sveitarfélaga til að bæta öryggi og farsæld barna á Vesturlandi.“&nbsp;

Bára Daðadóttir er verkefnastjóri farsældarmála hjá Samtökum sveitarfélaga á Vesturlandi: „Samráðsfundurinn sýnir glögglega þann mikla áhuga og vilja sem er til staðar á Vesturlandi til að vinna saman að farsæld barna og ungmenna. Með samstarfi allra þessara aðila getum við unnið markvisst að því að styrkja stuðningsnetið og fjölga úrræðum fyrir börnin okkar og fjölskyldur þeirra.“

Að lokum má geta þess að hægt er að hafa samband við samfélagslögregluna á Vesturlandi með því að senda tölvupóst á: vesturland@logreglan.is

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Heldu-samradsfund-Oruggara-Vesturlands-i-Borgarnesi-2-1200x900.jpg" alt="" class="wp-image-90863" /><figcaption>Málin rædd og skipst á skoðunum, en tæplega hundrað manns sóttu fundinn.</figcaption></figure>

Fréttaveita Vesturlands

Héldu samráðsfund Öruggara Vesturlands í Borgarnesi