medium

large

thumbnail

1536x1536

small

custom-size

Ný reglugerð um frístundaþjónustu fyrir fötluð börn og ungmenni

Leikskólabörn kíktu í heimsókn

2048x2048

Skagakonur með góðan sigur á Aftureldingu

Ýmis óhöpp í umferðinni

Fengu ískalda áskorun frá Lögreglunni á Suðurlandi

Það er vorhret á glugga – napur vindur sem hvín

core/heading

<h2>Guðbjörg Bjartey sundkempa stundar nú háskólanám í USA</h2>

core/paragraph

Guðbjörg Bjartey Guðmundsdóttir frá Bjarteyjarsandi í Hvalfjarðarsveit stundar nú nám við Towson háskóla í Baltimore sveit í Maryland fylki í Bandaríkjunum. Guðbjörg hefur stundað sund síðan hún var sjö ára gömul; æfði og keppti með Sundfélagi Akraness og hefur náð frábærum árangri. Í apríl sló hún 20 ára gamalt Akranesmet Kolbrúnar Ýrar Kristjánsdóttur í 50 metra skriðsundi og á sama tíma náði hún skólametinu í Towson háskóla. Skessuhorn ákvað að slá á þráðinn til Ameríkuhrepps og heyra hljóðið í Guðbjörgu.

Búin að tala um þetta síðan ég var 12 ára

Alls eru um 20 þúsund nemendur við Towson háskóla en 55 þeirra eru í sundliðinu og eru fjórir þjálfarar sem sjá um æfingar. Var Guðbjörg búin að ákveða fyrir löngu að hún vildi fara til Bandaríkjanna í nám? „Já, ég myndi segja að ég hafi verið búin að tala um það alveg síðan ég frétti að það væri hægt, líklega í kringum 12 ára aldurinn. Svo varð þetta raunverulegur möguleiki eftir að Binna [Brynhildur Traustadóttir, innsk. blm], sem æfði einnig sund hjá ÍA, fór út til Bandaríkjanna árið 2020. Þá virkilega áttaði ég mig á að þetta væri hægt og að ég vildi gera þetta líka,“ segir Guðbjörg.

En hvað varð til að hún valdi Towson háskóla? „Ég byrjaði að tala við marga skóla og svo hægt og rólega áttaði ég mig á hlutunum og hvað það var sem skipti mig máli og hvað ekki. Að lokum valdi ég Towson framyfir Florida Southern College vegna þess að ég áttaði mig á að ég vildi vera í Division 1 skóla, úr því að ég átti möguleika á því. Líka hjálpaði það til að einn þjálfarinn sem ég talaði mest við var frá Frakklandi og mér fannst gott að vita af manneskju sem hefði farið í gegnum allt þetta ferli og myndi þá átta sig á öllu sem ég var að fara í gegnum. Einnig valdi ég Towson vegna staðsetningarinnar. Þótt að Maryland sé nú kannski ekki mest spennandi fylki í Bandaríkjunum sem hægt er að velja, þá er flugið aðeins sex klukkutímar og svo þarf ég bara að keyra í hálftíma og er þá komin í skólann,“ segir hún.

core/image

<div class="wp-block-image is-style-default"><figure class="aligncenter size-full is-resized"><img src="https://umsjon.skessuhorn.is/wp-content/uploads/2025/05/Dagbok-fra-Baltimore-sveit_2.jpg" alt="" class="wp-image-90788" width="720" height="960" /><figcaption>Guðbjörg Bjartey að afloknu sundi með verðlaunapening um hálsinn.</figcaption></figure></div>

En hvernig voru fyrstu vikurnar í nýju umhverfi, á heimavistinni og í skólanum? „Fyrsta vikan var mjög erfið fannst mér, það var allt svo óraunverulegt en sem betur fer komu mamma og pabbi með mér. Ég þekkti engan og þurfti að tala ensku allan tímann sem var stundum frekar erfitt. Núna, nokkrum mánuðum seinna, hef ég komið mér vel fyrir. Ég og herbergisfélaginn minn, hún Maya, erum orðnar mjög góðar vinkonur. Hún á heima í Wilmington í Norður Karólínu, en þangað er um sjö tíma bílferð svo þegar hún kom hingað þá þekkti hún heldur engan svo við vorum fljótar að mynda vinskap. Allir nýnemar voru fljótir að tengjast og nú á ég marga vini og er bara mjög sátt,“ segir Guðbjörg. „Þegar skólinn byrjaði fékk ég algjört sjokk. Ég var vön að þurfa ekki að læra mikið heima því ég var dugleg að klára allt í skólanum. Þegar ég fékk stundatöfluna mína hélt ég að þetta væri ekkert mál því það voru ekki það margir tímar skráðir í stundatöflu. Til dæmis á þessari önn er ég bara í klukkutíma í skólanum á mánudögum og miðvikudögum og svo í fríi á föstudögum. En það þýðir bara að það er mjög mikið heimanám. Ofan á allt heimanámið, þá er auðvitað allt á ensku. Ég man eftir að hafa mætt í landafræði og ég skildi bara ekkert hvað kennarinn var að tala um. Hann talaði svo hratt og notaði orð sem ég hreinlega skildi ekki. Núna er ég búin að venjast því en ég lendi reglulega í því að kennarar noti orð sem ég skil ekki alveg eða hef ekki heyrt áður,“ segir Guðbjörg og hlær.

Hefðbundinn dagur

Guðbjörg segir að hefðbundinn dagur hjá sér sé að vakna snemma og fara á sundæfingu. „Ég fer svo að borða morgunmat með flest öllum úr liðinu áður en ég fer í fyrsta tímann. Svo hef ég tíma til að borða hádegismat, taka því rólega eða læra heima. Svo fer ég aftur að synda og borða kvöldmat með liðinu áður en ég fer svo að gera heimavinnu og síðan að sofa. Já, ætli þetta sé ekki svona týpískur dagur um þessar mundir,“ segir Guðbjörg. En hvað eru æfingarnar margar í viku? „Ég syndi átta sinnum í viku og lyfti þrisvar. Einnig gerum við svona dryland æfingar þrisvar í viku áður en við förum að synda, en það eru æfingar bara með líkamsþyngd og fókus á kjarna,“ nefnir Guðbjörg.

<div class="wp-block-image is-style-default"><figure class="aligncenter size-full"><img src="https://umsjon.skessuhorn.is/wp-content/uploads/2025/05/Dagbok-fra-Baltimore-sveit_3.jpg" alt="" class="wp-image-90789" /><figcaption>Hluti sundliðsins stillir sér upp fyrir myndatöku.</figcaption></figure></div>

Félagslíf og frídagar

Utan skóla er heimavistin mikil hjálp því þar kynnist Guðbjörg fólki sem er ekki í sundliðinu, þar sem finna má krakka í fimleikum, lacrosse eða fótbolta. Einnig eru þau duglega að fara á keppnir og leiki hjá öðum liðum til að hvetja. En hvernig nýtir hún frídaga? „Ég nota mikið af mínum frídögum til þess að gera heimavinnu í skólanum. Ég sit oft klukkutímum saman með vinkonum mínum að reyna að vinna upp verkefni úr skólanum eftir erilsama viku. Ég eyði líka miklum tíma í endurheimt líkamlega og sofa eftir erfiða viku. Svo gerum við oft líka eitthvað með liðinu, fáum okkur að borða, förum í mollið eða bara verjum tíma saman,“ segir Guðbjörg. „Í lengri fríum notar maður svo tækifærið og breytir aðeins um umhverfi. Þegar Þakkargjörðarhátíðin var fóru allir skóla- og sundfélagar mínir heim til sín og ég ákvað bara að gera það líka! Svo ég kom heim til Íslands í lok nóvember. Jólafríið var reyndar svolítið stutt, ég hefði alveg verið til í að hafa það aðeins lengra, en ég þurfti að vera komin aftur út 28. desember því þá hefjast æfingar aftur á fullu og í byrjun janúar fórum við í æfingabúðir til Flórída,“ segir Guðbjörg.

Markmið og bætingar

Guðbjörg er með háleit markmið í sundinu. „Mest af öllu vil ég ná skólametinu í 50 yarda skriðsundi. Ég er aðeins 0,06 sekúndum frá að slá það svo ég vona að ég geri það á næsta ári. Áður en ég útskrifast vil ég einnig komast á mót sem heitir US Open, en það er stórt mót sem margir góðir sundmenn fara á hér í Bandaríkjunum. Einnig vil ég komast á verðlaunapall á stóra Conference mótinu okkar. Draumurinn væri að ná líka skólametinu í 100 yarda skriðsundi en ég er aðeins lengra frá því,“ segir Guðbjörg en er hún með markmið varðandi námið? „Ég er ekki með jafn háleit markmið fyrir námið og ég er með fyrir sundið. Mig langar samt að útskrifast með 3,7 í einkunn sem er um það bil 90%. En það gæti breyst þegar ég fer að taka erfiðari áfanga,“ segir hún.

<div class="wp-block-image is-style-default"><figure class="aligncenter size-full is-resized"><img src="https://umsjon.skessuhorn.is/wp-content/uploads/2025/05/Dagbok-fra-Baltimore-sveit_4.jpg" alt="" class="wp-image-90790" width="679" height="522" /><figcaption>Á leið af sundæfingu og í skólann.</figcaption></figure></div>

Sé mikla bætingu

Guðbjörg kom tvisvar heim til Íslands og náði að keppa með ÍA á bikarmeistaramótinu í jólafríinu og á Íslandsmeistaramótinu núna í apríl en hefur hún séð bætingu hjá sér í sínum greinum? „Já, ég sá mikla bætingu í mínum greinum. Hérna syndi ég aðallega 50 og 100 metra skrið, en svo á stærri mótum syndi ég líka 200 m skrið og stundum 100 m flug sem er gaman til þess að breyta smá til. Það er aðeins erfitt að bera saman tíma hérna og heima því að sundlaugin hérna er í yördum en ekki metrum. En ég myndi segja að ég hafi bætt mig í öllum þessum fjórum greinum. Þegar ég kom heim núna í apríl til þess að keppa á Íslandsmeistaramótinu þá bætti ég bestu tímana mína í öllum greinunum sem ég synti þar.“

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Dagbok-fra-Baltimore-sveit_5-1200x863.jpg" alt="" class="wp-image-90791" /><figcaption>Foreldrar Guðbjargar; Arnheiður og Guðmundur, fylgdu henni út í ágústmánuði á síðasta ári.</figcaption></figure>

Eyði fyrstu dögunum í sauðburð

Sundkonan er ekki búin að panta flug til landsins en stefnir á að koma heim nú í maímánuði. Verða strangar æfingar í sumar eða nærðu að njóta íslenska sumarsins? „Ég hlakka rosalega til að koma heim og ætla að eyða öllum fyrstu dögunum í sauðburði, en ég næ rétt í lokin á honum. Ég er að æfa mjög mikið núna og mun reyna að halda því út júní en eftir Sumarmeistaramótið sem fer fram þá, þá mun ég taka mér smá sumarfrí. Ég vil eyða eins miklum tíma heima í að gera hluti sem ég get ekki gert hérna úti, eins og vera uppi í sveit í kringum dýrin og hitta vini mína hérna. Svo mun ég líklega synda um átta tíma í viku og lyfta tvisvar til þrisvar eftir sumarfrí. Ég ætla að reyna að finna góðan miðjupunkt, nóg af æfingum til þess að halda öllu því sem ég hef byggt hérna, en líka njóta og lifa lífinu heima,“ nefnir Guðbjörg. Í lokin vill hún hvetja þá sem hafa tækifæri til að gera eitthvað svona og langar til að prófa, að láta vaða. „Þetta er krefjandi og oft erfitt, en maður lærir svo mikið af þessu og upplifir nýja hluti og þetta bara víkkar sjóndeildarhringinn svo mikið,“ segir Guðbjörg að lokum.

<figure class="wp-block-image size-full is-style-default"><img src="https://umsjon.skessuhorn.is/wp-content/uploads/2025/05/Dagbok-fra-Baltimore-sveit_6.jpg" alt="" class="wp-image-90792" /><figcaption>Fjallkonan í Hvalfjarðarsveit 17. júní 2023.</figcaption></figure>

Fréttaveita Vesturlands

Dagbók úr Baltimore sveit