medium

large

thumbnail

1536x1536

small

custom-size

Leikskólabörn kíktu í heimsókn

2048x2048

Skagakonur með góðan sigur á Aftureldingu

Ýmis óhöpp í umferðinni

Fengu ískalda áskorun frá Lögreglunni á Suðurlandi

Það er vorhret á glugga – napur vindur sem hvín

Kári Viðarsson hlýtur Landstólpann fyrstur Vestlendinga

core/heading

<h2>Rætt við Andra Júlíusson um komandi tímabil hjá Kára í 2. deildinni</h2>

core/paragraph

Knattspyrnufélagið Kári leikur í 2. deild karla í ár en liðið fagnaði sigri í 3. deildinni á síðasta tímabili og komst þar með upp í 2. deild á ný eftir þriggja ára fjarveru. Aron Ýmir Pétursson var þjálfari liðsins í fyrra og honum til aðstoðar voru þeir Andri Júlíusson og Alexander Aron Davorsson. Aron Ýmir tók síðasta haust alfarið við sem yfirþjálfari yngri flokka hjá ÍA og tóku þeir Andri og Alexander Aron þá við sem þjálfarar Kára. Blaðamaður Skessuhorns heyrði hljóðið í Andra á dögunum um tímabilið sem er fram undan í sumar.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/05/Alls-enginn-skrekkur-i-okkur-2-1200x900.jpg" alt="" class="wp-image-90771" /><figcaption>Alexander Aron og Andri eru þjálfarar Kára.</figcaption></figure>

Fóru í sína fyrstu æfingaferð erlendis

Hvernig gekk undirbúningstímabilið og var það svipað og fyrir mótið í fyrra? „Það gekk virkilega vel. Við byrjuðum að æfa um miðjan nóvember og tókum vel á því fram að miðjum desember með blandi af fótbolta og lyftingum og tókum svo gott jólafrí sem er mikilvægt. Síðan hófust æfingar strax í byrjun janúar þar sem við byrjuðum með miklum krafti. Svo hófust æfingaleikir sem okkur gekk mjög vel í og eftir það Lengjubikarinn þar sem við unnum alla okkar leiki ásamt því að spila við Lengjudeildarlið HK og gerðum jafntefli við þá. Bikarkeppnin gekk líka vel, í annarri umferð spiluðum við gegn Árbæ og eftir það slógum við út gríðarlega sterkt lið Fylkis úr Lengjudeildinni. Káraliðið fór einnig í sína fyrstu æfingaferð þar sem Portúgal varð fyrir valinu og heppnaðist sú ferð virkilega vel. Allt hrós á strákana að standa fyrir því sem og Svenna formanni að taka svona vel í það. Þar æfðum við vel og náðum að klára okkar undirbúning. Einnig var mikilvægt að þjappa hópnum saman fyrir komandi átök og vonandi er þetta eitthvað sem koma skal.“

Hafa orðið einhverjar breytingar á liðinu frá síðasta tímabili? „Það hafa ekki orðið miklar breytingar hjá Káraliðinu. Axel Freyr Ívarsson fór til Fjölnis sem er bara góð viðurkenning fyrir hann að prófa sig í Lengjudeildinni og Arnór Valur Ágústsson fór yfir til ÍA sem er einmitt það sem Káraverkefnið stendur fyrir. Að ungir Skagastrákar byrja sinn meistaraflokksferil í neðri deildum og ÍA taki svo við þeim og komi þeim lengra. Við fengum Finnboga Laxdal Aðalgeirsson frá Haukum, Martein Theódórsson frá ÍR sem og Matthías Daða Gunnarsson og Birki Hrafn Samúelsson frá ÍA og þar erum við að vinna í sömu gildum. Finnbogi og Marteinn styrkja hópinn með reynslu og gæðum og Matti og Birkir eru ungir drengir sem eru að fóta sig í meistaraflokksbolta.“

Frábær vettvangur fyrir unga stráka

Miðað við þá leikmenn sem spiluðu í Lengjubikarnum í vetur þá er meðalaldur liðsins í kringum 22 ár. Hverjir eru kostirnir við að hafa svona ungt lið og hverjir eru gallarnir? „Kárahópurinn er samsettur af gríðarlega ungum leikmönnum í bland við stráka á bilinu 22-25 ára ásamt aldursforsetanum Marinó Hilmari Ásgeirssyni. Kostirnir eru gríðarlega miklir, fyrst og fremst er þetta frábær vettvangur fyrir unga stráka að móta sig við fullorðna leikmenn og vera fyrr tilbúnir fyrir efri deildir þar sem markmiðið er fyrir þá auðvitað að spila. Ekki má gleyma því að þeir drengir sem eru 25 ára eru auðvitað líka að vonast til þess að koma sínum ferli á flug. Það er svo stutt stökk ofar, til dæmis er næsta stökk bara í næsta klefa! Sambandið á milli ÍA og Kára er virkilega gott og mikið spjallað á milli. Ég sé ekki mikla galla á þessu, mögulega mun reynsluleysi koma í bakið á okkur en það er bara eitthvað sem svona ungur hópur þarf að takast á við til þess að verða betri leikmenn. Ef reynsluleysi verður til þess að menn gera mistök er það líka bara allt í lagi því þá læra menn af því og verða betri fyrir vikið, bæði leikmenn og þjálfarar.“

Nú lék Kári síðast í 2. deild árin 2018-2021. Þið unnuð 3. deildina í fyrra og oft er meðbyr með liðunum sem koma upp um deild. Kemur það með til að hjálpa ykkur í sumar? „Já klárlega, við þjálfararnir og leikmenn komum með gott sjálfstraust inni í mótið í sumar en það er ekki þar með sagt að það þurfi ekki að hafa fyrir því. Allt hrós til strákanna fyrir sína vinnu í vetur og þeir gera allt til þess að vera tilbúnir í 2. deildina. Það er hörkudeild&nbsp;með fullt af góðum liðum og leikmönnum, liðin eru að setja fullt af peningum í þetta og eru með marga góða útlendinga.“

Enginn vinskapur þegar í leik er komið

Af tólf liðum í 2. deild eru sex lið á sunnanverðu landinu, tvö lið eru að norðan, tvö að austan og síðan Kári og Víkingur Ólafsvík frá Vesturlandi. Það verða því tveir Vesturlandsslagir í sumar, hljómar það ekki spennandi? „Það hljómar virkilega spennandi að fá Vesturlandsslag&nbsp;í sumar. Vinir okkar í Víkingi Ó. stóðu sig mjög vel í deildinni í fyrra og Brynjar Kristmundsson þjálfari er að gera góða hluti þarna fyrir vestan. Við höfum verið að hjálpa þeim með að halda nokkrum af þeirra strákum í formi í vetur. Brynjar hefur verið klókur að sækja styrkingu á Skagann en vissulega er enginn vinskapur þegar í leik er komið og við munum gera okkar allra besta að halda montréttinum á Akranesi.“

Með stóran og efnilegan hóp

Ykkur gekk ágætlega í Lengjubikarnum þar sem þið komust í undanúrslit. Hver eru markmið liðsins fyrir tímabilið? „Við erum með stóran og virkilega góðan og efnilegan hóp með blöndu af reyndum strákum og ungum og spennandi&nbsp;strákum. Við hikum&nbsp;ekkert við að breyta liðinu þar sem við treystum öllum til að spila og yfirleitt er það þannig að þeir sem koma inn af bekknum hjá okkur koma með virkilega góða orku og bæta í liðið eftir að byrjunarliðsmenn hafa gefið sitt allt. Í vetur hafa mörk og stoðsendingar komið mjög mikið frá varamönnum og þeir fá mikið hrós fyrir það. Markmið okkar er alltaf það sama, að koma inn í alla leiki til að vinna þá. Sumir geta kannski kallað okkur ruglaða en við ætluðum alltaf í Fylkisleikinn til að vinna hann og það verður engin breyting á því í sumar en við sjáum hvert það skilar okkur.“

Með mikla reynslu sem leikmenn

Þú og Alexander Aron eruð nú þjálfarar liðsins. Þið hafið kannski ekki mikla reynslu sem aðalþjálfarar, hvernig gengur samstarfið og er einhver skrekkur í ykkur? „Það er alls enginn skrekkur í okkur, við erum kannski ekki með mikla reynslu sem þjálfarar en með mikla reynslu sem leikmenn. Samstarfið okkar gengur mjög vel, við vitum hvað við viljum og hvernig okkar lið á að spila. Við erum báðir gjörsamlega með fótbolta á heilanum og spáum og spjöllum mikið saman en þeir sem þekkja Alla vita að það er ekki erfitt! Það er mjög gott fyrir mig að fá Alla inn sem utanbæjarmann, hann hikar ekki við að segja sína skoðun sem er nánast alltaf sú sama og mín en ef það koma upp ágreiningsmál þá leysum við það yfirleitt mjög vel. Þó við höfum verið miklir skapmenn sem leikmenn erum&nbsp;við mjög sanngjarnir og skilningsríkir sem þjálfarar held ég. Alli þjálfaði meistaraflokk kvenna í Aftureldingu og reynsla hans er mikilvæg fyrir mig, svo lengi sem hann er ekki að monta sig af leikmannaferlinum sínum þá erum við góðir enda kannski frekar auðvelt fyrir mig að toppa hans feril!“

Hvernig líst þér á deildina í ár og hvaða lið verða í efri hlutanum að þínu mati? „2. deildin verður virkilega sterk í ár að mínu mati með mikið af góðum liðum og mikið af ferðalögum sem byggir bara betri stemningu&nbsp;í liðið okkar. Ég er til dæmis mjög hrifinn af því hvernig KFG er að gera hlutina. Þeir eru að vinna sig í þá átt að gera það eins og við gerum, að fá unga efnilega leikmenn frá Stjörnunni og móta þá. KFA, Dalvík og þessi lið verða erfið heim að sækja og eru að leggja mikið í hópana sína, svo held ég að Höttur/Huginn verði góðir líka en annars verður deildin hörkugóð og mikið af hörkuleikjum.“

Enginn betri en Svenni Hlö

Nú er Skagamaður ársins, Svenni Hlö, formaður Kára og hefur verið frá árinu 2011. Er hann enn að reyna að stelast á æfingar hjá ykkur og er ekki gott að hafa svona skemmtilegan og öflugan formann? „Svenni hefur minnkað það mikið að koma í fótboltaskóm á æfingar enda brjálað að gera hjá honum. Ég sakna þess mikið að sjá hann ekki í reit eða vinna strákana í skotkeppnum enda er hann með svakalega löpp og hann vill líkja&nbsp;henni við sjálfan Bruno Fernandes. En án gríns held ég að ekki sé hægt að finna betri mann en Svenna að hafa á bak við&nbsp;sig. Ástríðan fyrir Káraverkefninu og það sem hann hefur lagt í þetta er ómetanlegt. Viðurkenninguna sem Skagamaður ársins á hann svo sannarlega skilið og knattspyrnan á Akranesi og Kári væri ekki á þessum stað ef ekki væri fyrir Svenna Hlö.“

Andri segir að endingu eins og gömlum markaskorara sæmir að hann skori á fólk að koma og styðja við strákana í allt sumar. „Þetta eru allt Skagastrákar og með fjölskyldu og vini á Akranesi. Við verðum að styðja þá í að halda áfram að styrkjast í vegferð sinni í að verða betri knattspyrnumenn. Hvað er betra en Káraleikur í höllinni? Það býður upp á gleði, hasar, góðar veitingar og fjölskyldustemningu í bland við vissa geðveiki.“

Fréttaveita Vesturlands

„Alls enginn skrekkur í okkur“