medium

large

thumbnail

1536x1536

2048x2048

small

custom-size

Hljóp undan lögreglu

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

core/paragraph

Jóhann Páll Jóhannsson, umhverfis-, orku- og loftslagsráðherra, hefur ákveðið að veita sérstaka styrki til kaupa á nytjahjólum (e. cargo bikes) í gegnum Loftslags- og orkusjóð. Styrkirnir geta numið allt að 200.000 krónum eða að hámarki þriðjungi af kaupverði hvers hjóls. Um er að ræða tímabundna aðgerð sem felur í sér skref í átt að fjölbreyttari og sjálfbærari ferðamátum.

„Rafbílavæðingin skiptir máli, en til þess að ná alvöru árangri í loftslagsmálum þurfum við ekki síður að ýta undir breyttar ferðavenjur, vistvænni og fjölbreyttari ferðamáta sem gera líka samfélagið okkar skemmtilegra. Stuðningur við kaup á nytjahjólum er liður í þeirri stefnu ríkisstjórnarinnar,“ segir ráðherra í tilkynningu. Nytjahjól eru sérstaklega hönnuð til að flytja farm og/eða farþega og geta í mörgum tilfellum komið í stað einkabíls í daglegum samgöngum. Þau stuðla þannig að minni bílaumferð og minni losun gróðurhúsalofttegunda.

Til að fá styrk þarf hjólið að hafa verið sannanlega keypt 1. janúar 2025 eða síðar og þurfa hjólin að uppfylla ákveðin skilyrði sem verða kynnt síðar. Styrkir verða veittir á meðan fjárheimildir eru til staðar. Önnur reiðhjól verða ekki styrkt af Loftslags-og orkusjóði. Nánari upplýsingar um umsóknarferli og skilyrði verða birt á næstu vikum.

Sérstakir styrkir veittir til kaupa á nytjahjólum