medium

large

thumbnail

1536x1536

2048x2048

small

custom-size

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

Jörð skalf undir Grjótárvatni snemma í morgun

core/paragraph

Írska söngsveitin Systir heldur tónleika í Hallgrímskirkju í Saurbæ laugardaginn 10. maí klukkan 16. Aðgöngumiðasala verður við innganginn. Systir kemur nú í fyrsta sinn til Íslands en auk tónleika í Hallgrímskirkju í Saurbæ heldur sveitin tónleika í Hannesarholti og í Hörpuhorni. Í ferð sinni heimsækja þær einnig Vitann á Akranesi klukkan 11 á laugardag og taka lagið ásamt því að bregða sér í hina rómuðu Guðlaugu við Langasand.

Írska söngsveitin Systir er hluti af kórnum Anúna Collective sem er ein af eftirsóttustu söngveitum Írlands á alþjóða vettvangi. „Systir hefur skapað nýjan og fjölbreyttan tónheim sem vinnur með óteljandi blæbrigði og litbrigði kvenraddarinnar. Listrænn stjórnandi er Michael McGlynn, tónskáld og söngvari. Meðlimir Systir sem koma til Íslands eru: Amelia Jones, Lauren McGlynn, Lorna Breen, Caitríona Sherlock, Sara Di Bella, Sara Weeda og Andrew Boushell, gítarleikari. Á síðasta ári ferðaðist Systir til Ítalíu og Japan og á árinu 2025 munu þær halda tónleika í fyrsta sinn í Þýskalandi, Finnlandi, Íslandi og Kína.

Í lagavali sínu leitast Systir við að draga fram hina fjölbreyttu liti og blæbrigði kvenraddarinnar. Tónlist þeirra er blanda af nútíma söng- og hljóðfæratækni og fornri írskri tónlistarhefð. Hópurinn sækir innblástur í hinar gleymdu sönghefðir Evrópu, einkum sean-nós, sem mætti kalla „írskan rímnasöng.“ Þær flytja gjarnan á sömu tónleikum miðalda söngperlur og popplög í eigin útsetningum, svo sem lög eftir Janelle Monáe og Cranberries,“ segir í tilkynningu.

Írsk söngsveit í Hallgrímskirkju í Saurbæ