Vegna framkvæmda verður útisvæðið við Sundlaug Stykkishólms lokað í dag og næstu tvo daga að auki, en innilaugin verður opin. „Eins og kunnugt er stendur til að endurnýja heitu pottana og þarf að loka þessa daga vegna lagnavinnu. Frá og með 8. maí verður sundlaug, vaðlaug og innilaug opin en pottasvæði lokað vegna framkvæmda. Opnað verður fyrir pottana þegar búið er að fjarlægja þá gömlu og koma nýjum og stærri pottum fyrir. Gert er ráð fyrir að verkið verði klárað undir lok maímánaðar,“ segir í tilkynningu á vef sveitarfélagsins.