medium

large

thumbnail

1536x1536

small

custom-size

Snæfellsbær gefur leik- og grunnskólabörnum sólmyrkvagleraugu

2048x2048

Hljóp undan lögreglu

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

core/paragraph

Hanna Katrín Friðriksson atvinnuvegaráðherra úthlutaði fyrr í vikunni úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum, en úthlutað var 553,2 milljónum króna og dreifast verkefnin um land allt. Þar af eru tvö verkefni á Vesturlandi styrkt en þau eru í Dalabyggð og Hvalfjarðarsveit. Athygli er vakin á því að frétt sem birtist hér á miðvikudaginn var röng, byggði á gömlum upplýsingum úr ráðuneytinu sem ekki voru réttar. Það hefur nú verið leiðrétt og beðist velvirðingar á því.

Að venju snúa verkefnin sem hljóta styrki að fjölbreyttri uppbyggingu, m.a. á sviði öryggismála, náttúruverndar, innviðauppbyggingar og fleira. Af þeim verkefnum sem fá styrk að þessu sinni eru 26 af 28 verkefnum skilgreind á áfangastaðaáætlun innan síns svæðis sem eru unnar heima í héraði á forsendum heimafólks. Í úthlutuninni að þessu sinni var lögð áhersla á minna sótt svæði og lengingu ferðatímabils. Gæðamat sjóðsins tók mið af þessari áherslu. Af þeim 28 verkefnum sem hlutu styrk eru tíu á Austurlandi og fjögur á Vestfjörðum en fæstir erlendir ferðamenn gista á þessum landssvæðum. Hæsti styrkurinn í ár er að upphæð tæpar 90 milljónir og fer til áframhaldandi uppbyggingar við Stuðlagil á Austurlandi. Markmið verkefnisins eru áframhaldandi náttúruvernd og bætt öryggi ferðamanna sem heimsækja Stuðlagil Grundarmegin, þar um er að ræða fjölsóttasta áfangastað ferðamanna á Austurlandi.

History Up Close ehf. fær 7,6 milljóna króna styrk til að bæta aðgengi að sögunni og svæðinu á Eiríksstöðum í Haukadal. Styrkurinn snýst um að endurvinna upplýsingaskilti um Eiríksstaði og aðlaga að þörfum ólíkra hópa gesta. Einnig er ætlunin að gera alla mikilvægustu staði svæðisins aðgengilega öllum í hjólastól og auka sjálfstæði fatlaðra á svæðinu. Markmið verkefnisins eru bætt aðgengi að sögunni og svæðinu á Eiríksstöðum. Verkefnið er hluti af áfangastaðaáætlun Vesturlands og fellur að markmiðum sjóðsins um bætt aðgengi fyrir hreyfihamlaða. Ekki er veittur styrkur til forritunar og vinnslu heimilda.

Hinn styrkurinn er til að bæta aðgengi að fossinum Glymi í Botnsá íHvalfjarðarsveit og er upp á 16,8 milljónir króna. Styrkurinn verður nýttur til að stýra umferð ferðafólks m.a. með gerð stíga, þrepa og merkinga, sem og viðhalda og lagfæra gönguleiðina eftir ágang og veðrun. Stefnt er að því að nýta náttúruleg efni og að innviðir falli sem best að svæðinu. Markmið verkefnisins er bætt öryggi og áframhaldandi verndun á viðkvæmri náttúru við Glym í Hvalfirði, en að fossinum liggur fjölsótt en krefjandi gönguleið. Verkefnið er metið í forgangi í áfangastaðaáætlun Vesturlands og fellur vel að markmiðum sjóðsins um bætt öryggi ferðafólks og markmiðum um lágstemmda uppbyggingu í viðkvæmri náttúru.

Fréttaveita Vesturlands

Tveir styrkir úr Framkvæmdasjóði ferðamannastaða – leiðrétt frétt