medium

large

thumbnail

1536x1536

2048x2048

small

custom-size

Mála vegi á Snæfellsnesi í dag

Hrepptu gull á öldungamóti í blaki

Hreyfing og útivera í sumar

Reisa og grafa í Borgarnesi

Mjólk hækkar um 1,9% til bænda

Garðyrkjubændur geta sótt um fjárfestingarstyrki til orkusparnaðar

core/paragraph

Hin árlega Sindratorfæra fer fram við Hellu á morgun, laugardaginn 3. maí og hefst klukkan 10. 29 keppendur eru skráðir til leiks í tveimur flokkum. Nokkrir eru að keppa í sinni fyrstu keppni og aðrir sem hafa verið með í áraraðir og enn aðrir sem eru að koma til baka eftir mislangt hlé. Á meðal keppenda er Íslandmeistarinn Ingvar Jóhannesson auk fimm annarra Íslandsmeistara. Að öðrum ólöstuðum má nefna Gísla Gunnar Jónsson, Snorra Þór Árnason og Þór Þormar Pálsson.

Aðeins sex sinnum í sögu Hellutorfærunnar hafa keppendur verið 29 eða yfir og má segja að það séu rúmlega helmingur þeirra sigurstranglegur og allflestir staðið á verðlaunapalli. Spennan er mikil eins og sést hefur undanfarna daga hjá keppendum.

Það eru Flugbjörgunarsveitin á Hellu og akstursíþróttanefnd Heklu sem standa að keppninni sem hefur verið haldin nær óslitið síðan 1973. Keppnissvæðið er í Tröllkonugili rétt austan Hellu en þar er kjöraðstaða fyrir áhorfendur að setjast í brekkurnar og fylgjast með þessum 1000 hestafla græjum reyna fyrir sér í sandbrekkum, börðum, fleytingum á ánni og í mýrinni.

Torfæra er skemmtun fyrir alla fjölskylduna. Síðustu ár hafa um 5000 þúsund manns verið á svæðinu og allir haft gaman að því að skoða græjurnar og sjá þær svo takast á við brautirnar. Bein útsending verður frá keppninni á Youtube og Rúv-2 fyrir þá sem ekki komast á staðinn. Auðvelt að finna á youtube með því að leita eftir „Sindratorfæran live“.

Fréttaveita Vesturlands

Sindratorfæran fer fram á Hellu á morgun