medium

large

thumbnail

1536x1536

2048x2048

small

custom-size

Fara í Míluna á hverjum degi

Héldu allsherjar brunaæfingu í FVA

Fyrsta skemmtiferðaskipið væntanlegt á mánudaginn

Helena ráðin íþrótta- og tómstundafulltrúi Grundarfjarðarbæjar

Endurskoðað frumvarp um veiðigjald lagt fram á Alþingi

Sindratorfæran fer fram á Hellu á morgun

core/paragraph

Hanna Katrín Friðriksson atvinnuvegaráðherra úthlutaði í dag úr Framkvæmdasjóði ferðamannastaða fyrir árið 2025. Að þessu sinni hljóta 28 verkefni styrk úr sjóðnum, en úthlutað var 553,2 milljónum króna og dreifast verkefnin um land allt. Þar af eru þrjú verkefni á Vesturlandi styrkt en þau eru í Dalabyggð, Staðarsveit og Hvalfjarðarsveit. Auk þess fékkst myndarlegur styrkur til framkvæmda við Kúalaug í Reykhólasveit.

Að venju snúa verkefnin að fjölbreyttri uppbyggingu, m.a. á sviði öryggismála, náttúruverndar, innviðauppbyggingar og fleira. Af þeim verkefnum sem fá styrk að þessu sinni eru 26 af 28 verkefnum skilgreind á áfangastaðaáætlun innan síns svæðis sem eru unnar heima í héraði á forsendum heimafólks. Í úthlutuninni að þessu sinni var lögð áhersla á minna sótt svæði og lengingu ferðatímabils. Gæðamat sjóðsins tók mið af þessari áherslu. Af þeim 28 verkefnum sem hlutu styrk eru tíu á Austurlandi og fjögur á Vestfjörðum en fæstir erlendir ferðamenn gista á þessum landssvæðum. Hæsti styrkurinn í ár er að upphæð tæpar 90 milljónir og fer til áframhaldandi uppbyggingar við Stuðlagil á Austurlandi. Markmið verkefnisins eru áframhaldandi náttúruvernd og bætt öryggi ferðamanna sem heimsækja Stuðlagil Grundarmegin, þar um er að ræða fjölsóttasta áfangastað ferðamanna á Austurlandi.

Eftirfarandi verkefni á Vesturlandi hlutu styrki:

Glymur í Hvalfjarðarsveit 11,50 millj. kr

Áframhaldandi stígagerð við krefjandi aðstæður við austanvert Glymsgljúfur í Botnsdal. Verkefninu þarf að skipta niður í áfanga vegna erfiðleikastigs. Áfangi ársins 2024: Gönguleiðin frá Breiðutungu og að efsta útsýnispallinum við Glym. Lokun og tilfærsla á hættulegum köflum leiðarinnar sem og lokun draugastíga ásamt merkingum. Gönguleiðin að Glym nýtur mikilla vinsælda en er torfarin og varasöm á köflum. Í verkefninu felst áframhaldandi stígagerð við krefjandi aðstæður austanmegin í gljúfrinu og lokun og tilfærsla á hættulegum köflum leiðarinnar. Verkefnið er á áfangastaðaáætlun og fellur vel að áherslum sjóðsins um náttúruvernd, bætt öryggi og aðgengi.

Lukkutangi í Staðarsveit 14,00 millj. kr

Lukkutangi- áningarstaður/selafjara við Ytri-Tungu í Snæfellsbæ. Styrkurinn felur í sér að halda áfram endurbótum á á áningarstaðnum. Gerð deiliskipulags fyrir svæðið og afmarka göngustíga um austuhluta svæðisins, frá bílastæði allt austur að lukku. Lokun og lagfæringu á villistígum og lagfæra jarðvegsskemmdir. Hleðslur, sjóvarnir og uppgræðsla á jarðraski og rofabörðum ásamt gerð og uppsetningu áningar- og útsýnisstaða við göngustígana. Um er að ræða gerð deililskipulags og lagningu göngustíga á þessum vinsæla selaskoðunarstað á Snæfellsnesi. Verkefnið er á áfangastaðaáætlun Vesturlands.

Guðrúnarlaug á Laugum í Dölum 2,16 millj. kr.

Guðrúnarlaug að Laugum í Sælingsdal - viðhald og endurbætur. Styrkur til hönnunar og gerðar skilta með upplýsingum er varða laugina, öryggismál, bílastæði o.s.fv. Ný timburbrú yfir læk. Lagfæring göngustíga, bætt í möl og aðlaga hentistíga o.fl. Þrep og stiklur í gönguleiðir þar sem þarf að aðlaga hæðamismun. Blygðunarhús er hlaðið með timburgafli og torfþaki. Verkefnið felst í viðhaldi, stígagerð og bættri upplýsingamiðlun með skiltum til að koma í veg fyrir frekari niðurtroðning á svæðinu. Þannig er stuðlað að verndun náttúru og öryggis gesta. Staðurinn er á áfangastaðaáætlun á svæði þar sem ferðamennska hefur vaxið hvað hægast í landshlutanum.

Kúalaug í Reykhólahreppi 52,24 millj. kr

Loks má geta þess að Reykhólahreppur fær 52,4 milljóna króna styrk til gerðar bílastæða með aðgengi fyrir alla ásamt áningarstað með borðum og bekkjum við Kúalaug. Gera á göngustíga að Kúalaug og í kringum hana, bæði úr möl og timbri. Timburstígur mun liggja þvert yfir laugina, þar verður bryggja þar sem hægt verður að setjast niður og dýfa fótum ofan í grunnt ker í lauginni. Upplýsingarskilti verður komið fyrir. Markmið verkefnisins er að bæta aðstöðu við Kúalaug í Reykhólahreppi, með því að reisa trépall, trébryggju og leggja bílastæði, auk endurgerðar á hleðslum, hringstígs um laugina og tengistíga að nálægum gróðurhúsum. Um er að ræða verkefni sem eykur fjölbreytni í áfangastöðum á fremur köldu svæði ef litið er til dreifingar ferðamanna um landið. Undanfari verkefnisins hlaut styrk árið 2023 og er tillaga gerð að því að samþykkja og fjármagna þá hönnun sem lögð er til. Í umsóknargögnum kemur fram að ekki séu áform um gjaldtöku á staðnum.

Fréttaveita Vesturlands

Þrír styrkir á Vesturland úr Framkvæmdasjóði ferðamannastaða