Matvælastofnun varar við neyslu á einni framleiðslulotu af HaPP tómat- og basilsúpu frá Icelandic Food Company vegna glerbrots sem fannst í einni krukku. Fyrirtækið hefur í samráði við Heilbrigðiseftirlit Reykjavíkur innkallað vöruna. Súpur þessar fást í verslunum Krónunnar um land allt.

Eingöngu er verið að innkalla eftirfarandi framleiðslulotu:

Vörumerki: HaPP

Vöruheiti: Tómat- og basilsúpa

Geymsluþol: Best fyrir 06.06.25

Nettómagn: 700 ml

Framleiðandi: Icelandic Food Company, Vatnagörðum 6, 104 Reykjavík

Framleiðsluland: Ísland

Heiti og heimilisfang fyrirtækis sem innkallar vöru

Icelandic Food Company, Vatnagörðum 6, 104 Reykjavík.

Dreifing: Verslanir Krónunnar um land allt.

Neytendur sem keypt hafa þessa framleiðslulotu geta skilað og fengið endurgreitt í næstu Krónuverslun.