medium

large

thumbnail

1536x1536

2048x2048

small

custom-size

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

Jörð skalf undir Grjótárvatni snemma í morgun

core/paragraph

Margrét Hlíf Óskarsdóttir er mörgum kunn á Akranesi en hún hefur lengst af starfað sem dagforeldri í bænum. Hún hefur verið búsett á Akranesi í tæp níu ár ásamt eiginmanni sínum og þremur börnum. Margréti þykir fátt skemmtilegra en skipulagning viðburða. Áhuginn hófst í unglingadeild og óx á framhaldsskólaárunum þar sem hún var ávallt í nemendaráði. Seinna tók hún að sér stöður í skemmtinefndum á vinnustöðum og bekkjarfulltrúa í skólum barna sinna. Þá hjálpaði hún vinum að skipuleggja viðburði reglulega og leitaði allra leiða til að svala viðburðaskipulags þorstanum.

Margrét ákvað að gefa þessu áhugamáli sínu aukið svigrúm og skellti sér í fjarnám samhliða dagforeldrastarfinu. Hún lauk diplómanámi í viðburðarstjórnun við Háskólann á Hólum í desember síðastliðinn. Verknámið tók hún í viðburðarstjórn hjá Barnahátíðinni KÁTT 2024 og var í kjölfarið boðið að vera með í skipulagsteymi hátíðarinnar sem fram fer í sumar sumar í Hafnarfirði.

Barnahátíðin KÁTT

Barnahátíðin KÁTT fer fram í sjötta sinn í sumar, dagana 28. og 29. júní. „Hátíðin gekk framar vonum í fyrra og hefur því verið ákveðið að halda í fyrsta sinn veglega tveggja daga hátíð. Hátíðin flutti sig yfir á Víðistaðatún í Hafnarfirði í fyrra og verður nú hluti af viðburðaröðinni Bjartir Dagar í Hafnarfirði. Hátíðin er sú eina sinnar tegundar á landinu og öll afþreying á svæðinu er innifalin í miðaverðinu,“ segir Margrét. „Markmið KÁTT er að bjóða börnum á öllum aldri og fjölskyldum þeirra upp á veglega hátíð þar sem barnamenningu er gert hátt undir höfði með fjölbreyttri dagskrá á sviði, fjöldan allan af fræðandi og skemmtilegum smiðjum og allskyns afþreyingu á túni. Svæðið er hannað út frá þörfum barna með það í huga að börn fái að leika sér út frá eigin forsendum,“ segir Margrét að endingu. Miðasala er á midix.is

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Dagforeldri-og-skipuleggur-barnahatid_2-1200x630.jpg" alt="" class="wp-image-90588" /><figcaption> Hér má sjá brot af því sem verður í boði á hátíðinni í ár og eins og sjá má ættu allir að finna eitthvað við sitt hæfi.</figcaption></figure>

Fréttaveita Vesturlands

Dagforeldri á Akranesi og skipuleggur barnahátíð í Hafnarfirði