Síðastliðinn föstudag var Dagur umhverfisins og af því tilefni fór skólastarfið í Heiðarskóla í Hvalfjarðarsveit alfarið fram undir berum himni. Skólabílarnir óku að þessu sinni nemendum í Krossland í Hvalfjarðarsveit þar sem boðið var upp á morgunverð. Eftir morgunverð hófu nemendur og starfsmenn fjöruhreinsun á Innnesinu. Töluvert mikið magn af rusli fannst og það var tínt saman og skilið eftir í þremur hrúgum. Landeigandi ætlaði síðan að vera innan handar við að koma ruslinu á móttökustöð og Hvalfjarðarsveit sá um að greiða kostnað varðandi það.