medium

large

thumbnail

1536x1536

small

custom-size

Fjölmenni á námskeiði í sjókajak – myndasyrpa

2048x2048

„Ég veit ekki betur en við séum Evrópumeistarar í að slást“

Sumar á Skaga – Myndasyrpa

Fræðst um jarðhræringar í Ljósufjallakerfinu

Sköpunarmiðstöðin á Stöðvarfirði hlýtur Eyrarrósina

Gatan Vallholt í Ólafsvík endurnýjuð

core/paragraph

Gömlu stórveldin, KR og ÍA, áttust við í fjórðu umferð Bestu deildar karla í knattspyrnu í gærkvöldi og var leikurinn á Avis vellinum í Laugardalnum. Veðrið og vallaraðstæður voru með besta móti, engin sól var en nánast logn og ágætis lofthiti. Fyrir viðureignina voru bæði lið með þrjú stig, KR-ingar eftir þrjú jafntefli í fyrstu þremur leikjunum og Skagamenn eftir sigur í fyrsta leik gegn Fram. Þrjár breytingar voru á liði ÍA frá leiknum við Vestra; Albert Hafsteinsson, Gísli Laxdal og Haukur Andri Haraldsson komu inn í liðið en Marko Vardic og Steinar Þorsteinsson fengu sér sæti á bekknum og Ómar Björn Stefánsson var utan hóps.

Skagamenn byrjuðu af miklum krafti, Viktor Jónsson fékk tvö ágætis færi í byrjun og engu munaði að Gísli Laxdal næði að skora eftir korters leik þegar Halldór Snær Georgsson markvörður KR missti boltann í gegnum klofið en náði að bjarga því. KR-ingar komust síðan yfir á 24. mínútu með marki frá Aroni Sigurðarsyni og óhætt að segja að það hafi verið gegn gangi leiksins. Átta mínútum síðar var staðan orðin 2-0 þegar Luke Rae geystist upp að marki ÍA, hann tók eina gabbhreyfingu á Hauk Andra og þrumaði boltanum í fjærhornið. Þarna voru KR-ingar komnir á bragðið og skömmu síðar áttu þeir skot í stöng og Árni Marinó Einarsson í marki ÍA varði svo vel skot Matthias Præst í kjölfarið. Staðan í hálfleik 2-0 fyrir KR og ljóst að gestirnir þyrftu að gera mun betur í seinni hálfleik til að fá eitthvað út úr leiknum.

Fyrstu mínúturnar í þeim síðari fóru frekar rólega af stað og Skagamenn ekki líklegir að koma til baka. Það varð og því eftir um tuttugu mínútna leik kom þriðja mark heimamanna og þar var að verki Matthias Præst eftir undirbúning Arons. KR-ingar gengu síðan á lagið, þeir voru miklu betri á öllum sviðum og bættu við tveimur mörkum á síðustu mínútum leiksins. Fyrst skoraði Aron Sig sitt annað mark á 85. mínútu og fjórum mínútum síðar gulltryggði Eiður Gauti Sæbjörnsson stórsigur KR þegar hann ýtti boltanum yfir línuna eftir sendingu frá Atla Sigurjónssyni. Lokatölur 5-0 KR í vil og fyrsti sigur þeirra í deildinni á meðan Skagamenn urðu að sætta sig við þriðja tapið í röð.

„Hefðum átt að gera betur“

Jón Þór Hauksson þjálfari ÍA sagði í viðtali eftir leik að hann væri mjög svekktur með þetta allt of stóra tap og mörkin sem þeir fengu á sig í fyrri hálfleik hefðu verið af ódýrari gerðinni. „Svo er náttúrulega bara galin niðurstaða að spila hérna 90 mínútur án þess að skora mark. Niðurstaðan er bara hræðileg og mjög slakt hjá okkur að þetta sé niðurstaðan í leiknum vegna þess að við hefðum átt að gera miklu betur í leiknum, bæði í vörn og sókn. Þetta er annar leikurinn í röð þar sem við byrjum rosalega vel, og svo fer bara alltof mikið loft úr okkur við að lenda undir og lenda í einhverju mótlæti í leiknum. Tennurnar eru bara dregnar úr okkur hægt og rólega eftir því sem líður á leikinn. Hvernig við endum hérna síðari hálfleikinn er auðvitað bara virkilega slakt. Við vinnum ekki návígi, tæklingar og getum ekki einu sinni brotið almennilega af okkur, ekki nokkurn skapaðan hlut. Þannig að því fór sem fór og við þurfum að rífa okkur heldur betur á lappir eftir þetta,“ sagði Jón Þór í viðtali við fotbolti.net.

Skagamenn eru í 11. sæti deildarinnar með þrjú stig og á botninum sitja FH-ingar með aðeins eitt stig. Næsti leikur ÍA er á móti KA næsta sunnudag á Elkem vellinum á Akranesi og hefst klukkan 17.

Fréttaveita Vesturlands

Þriðja tap Skagamanna í röð í Bestu deildinni