medium

large

thumbnail

1536x1536

2048x2048

small

custom-size

Gleðilega páska

Sumri fagnað með Skeifudegi

Skipuleggja glerblásturshátíð á Hellissandi

Lokaárið í bili á vettvangi í Ólafsdal

Veðrið fram á sumar

Félagsskapurinn og löngunin til að æfa hefur fylgt krökkunum

core/paragraph

„Það má kallast þjóðlegasti siður, þetta að pota útsæðinu niður, úti í garði, undir morgunsól,“ sungu Lúdó og Stefán hér um árið. Með hækkandi sól eru áhugasömustu kartöfluræktendur þessa lands nú að hefja vorverkin; huga að útsæðinu, stinga eða tæta upp garðinn og gera klárt til að setja niður eftir nokkrar vikur. Nú háttar svo til að lítið eða ekkert frost er í jörðu og því má búast við að garðarnir verði tilbúnir venju fremur snemma. Gömul þumalputtaregla er að setja ekki kartöflur niður fyrr en hitinn í moldinni hefur náð sjö gráðum. Sé það gert áður er í það minnsta nauðsynlegt að breiða akrýldúk yfir til að verma moldina sem mest. Freistist menn til að setja niður í of kaldan jarðveg gerist einfaldlega ekkert fyrstu vikurnar.

Blaðamaður Skessuhorns leit við hjá Áskeli Þórissyni fyrrverandi ritstjóra Bændablaðsins, en hann býr í Ægissíðu í Hvalfjarðarsveit ásamt Vilborgu eiginkonu sinni og tíkinni Ösku. Þar una þau hag sínum vel, dunda í garðinum, höggva eldivið í kamínuna, rækta tré og ekki síst kartöflur. Áskell er nú byrjaður að stinga upp kartöflugarðinn. Segist grípa í það verk á hverjum degi gjarnan þegar hann lýkur morgungöngunni með Ösku. Áskell kom sér upp kartöflugeymslu fyrir nokkrum árum, ágætu jarðhýsi, en þar geymir hann uppskeru haustsins fram á næsta vor. Útsæðið er nú komið í spírun og um næstu mánaðamót segist hann mögulega geta sett niður ef veðráttan fram að því verður hagstæð.&nbsp;

Áskell ræktar kartöflur af afbrigði sem heitir Asterik, eða Ástríkur. Fyrstu útsæðiskartöflurnar segist hann hafa fengið hjá Jónatan Hermannssyni tilraunastjóra hjá RALA. Ástríkur eru fremur stórar rauðar kartöflur, eilítið ílangar. Einkenni þeirra er að fáar vaxa undir hverju grasi en geta orðið þess stærri. Síðasta sumar, þegar rigndi heil ósköp, voru Ástríks kartöflurnar að standa sig vel í samanburði við aðrar.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Styttist-i-ad-pota-megi-utsaedinu-nidur_2-1200x900.jpg" alt="" class="wp-image-90321" /><figcaption>Útsæðið tekið úr jarðhýsinu.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Styttist-i-ad-pota-megi-utsaedinu-nidur_3-1200x900.jpg" alt="" class="wp-image-90322" /><figcaption>Búið að velja útsæðiskartöflur og þær settar í spírun í frostfríum skúr þar sem birtu gætir. Ef vel viðrar gæti Áskell sett niður um næstu mánaðamót.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Styttist-i-ad-pota-megi-utsaedinu-nidur_4-1200x900.jpg" alt="" class="wp-image-90323" /><figcaption>Asteriks kartöflur sem blaðamaður ræktaði í fyrrasumar af útsæði úr garði Áskels.</figcaption></figure>

Fréttaveita Vesturlands

Styttist í að pota megi útsæðinu niður