medium

large

thumbnail

1536x1536

2048x2048

small

custom-size

Gleðilega páska

Styttist í að pota megi útsæðinu niður

Sumri fagnað með Skeifudegi

Lokaárið í bili á vettvangi í Ólafsdal

Veðrið fram á sumar

Félagsskapurinn og löngunin til að æfa hefur fylgt krökkunum

core/heading

<h2>Rætt við Louise Lang og samstarfskonur hennar sem eru að undirbúa nýja listahátíð á Hellissandi</h2>

core/paragraph

Hátíðin Glóandi Jökull fékk úthlutaðan styrk úr Uppbyggingarsjóði Vesturlands í janúar síðastliðnum en skipuleggjendur hátíðarinnar eru þær Louise Lang frá Þýskalandi, Fiona Byrne frá Írlandi og <a>Laura Sonne Lund </a>frá Danmörku. Um er að ræða listahátíð helgaða glerlist og mun hún standa yfir í heilan mánuð á Hellissandi sumarið 2026. Skipuleggjendur hátíðarinnar voru á leið að skoða húsakost, sem hugsanlega mun nýtast á hátíðinni, og gengu þær með blaðamanni Skessuhorns um götur Hellissands og var umræðuefnið hátíðin sem nú er verið að leggja drög að.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Skipuleggja-glerblasturshatid-a-Hellissandi_2-1200x828.jpg" alt="" class="wp-image-90315" /><figcaption>Louise Lang að vinna við glerblástur.</figcaption></figure>

Tengsl listamanna og gesta

Glerblástur er aldargömul handverkstækni við listsköpun og framleiðslu nytjahluta. Glerið er hitað þar til það kemst í vökvaform og er svo blásið upp með sérstökum rörum, þannig að listamaðurinn getur mótað það jafn óðum. En hvers vegna var Hellissandur valinn á þessa hátíð? „Við fórum á glerblásturshátíð í Berlín fyrir ári síðan og það var gaman að blása gleri á nýjum stað. Við ræddum ótrúlega staði um allan heim sem við myndum vilja blása gler á. Ísland var nefnt og við höfum verið að skipuleggja síðan,“ segir Louise og bætir við: „Við viljum að það sé tenging á milli listamanna á hátíðinni og gesta, með áherslu á listsköpun. Gestir geta komið og prófað, séð hvernig glerlistamenn haga sér þegar þeir vinna að verkum sínum og öðlast skilning á efninu sem þeir vinna með og ferlinu í slíku verki,“ segir Louise.

Hugmyndin fæddist í Berlín

Það er dálítið hvasst á Hellissandi þennan dag og við náum að komast í skjól og blaðamanni er boðið upp á kaffi. „Ég kem frá Þýskalandi en fjölskyldan mín á þetta hús sem við erum í. Ég byrjaði á glerblástursnámskeiðum, lærði myndlist í átta ár og er listamaður að reyna að lifa af og er með allar þessar brjáluðu hugmyndir,“ segir Lousie og hlær. Með skipulagningu með henni eru Fiona Byrne og Laura Sonne Lund. „Ég er lærður glerblásari og hef unnið við glerblástur síðustu ellefu árin en undanfarin ár hef ég verið með sýningar á verkum mínum,“ segir Laura áður en Fiona bætir við: „Undanfarin ár hef ég verið með mínar eigin sýningar og hef verið að vinna hjá fyrirtækinu Niesenglass sem framleiðir færanlega glerofna. Þannig hittumst við í Berlín í fyrra og við náðum strax vel saman og þar kom þessi hugmynd,“ segir Fiona.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Skipuleggja-glerblasturshatid-a-Hellissandi_4-1200x891.jpg" alt="" class="wp-image-90316" /><figcaption>Laura Sonne Lind að vinna við glerblástur.</figcaption></figure>

Skipuleggjendur taka upp tölvuskjá og sýna blaðamanni hvers konar hátíðir hafa verið haldnar sem tengjast glerblæstri. „Við verðum með færanlegan ofn á hjólum sem verður fluttur á milli hátíðarstaða. Hann er mjög þægilegur og auðvelt er að henda honum í sendibíl og koma honum fyrir á mismunandi stöðum,“ segir Louise. Hugmynd þeirra er að hafa mánaðarlanga hátíð þar sem listamennirnir munu starfa í ákveðinn tíma í senn. „Hátíðin verður með ýmsu sniði. Það verða samsýningar, þrjár okkar verða með eigin sýningar og svo verða sýningar þar sem gestir geta tekið þátt. Við höfum þegar boðið þeim sem stunda glerblástur hér á Íslandi að taka þátt, en viljum líka að það verði fyrirlestrar, viðtöl við listamenn og opinberar vinnustofur,“ segir Laura Lund áður en Louise tekur við: „Nú erum við komin með tvennt húsnæði þar sem við verðum með sýningar, sem eru í sýningarsal Himinbjörgum, Þremur Veggjum og í Spagetti kirkjunni hér á Hellissandi. Við erum ekki komnar með staðsetningu fyrir samsýninguna en þegar sambærileg hátíð var sett upp í Þýskalandi var sett upp tjald en það er ekki hægt hér á Íslandi,“ segir Louise og þær stöllur hlæja þegar þær líta til veðurs.

Tenging við glerblástur

Louise segist vilja efla glerblástur og því sé tilvalið að bjóða gestum til kynningar og umræðu, en ekki hefur verið rík hefð fyrir glerblæstri hér á landi. „Stór hluti af þessu fyrir okkur er að fólk komi, skoði og prófi og ræði svo tæknina og ferlið sem er í þessari iðn. Við verðum með listamenn frá Evrópu sem hver og einn hefur sinn stíl. Það verður því áhugavert að fylgjast með. Einnig viljum við bjóða nemendum sem geta dvalið hér í t.d. viku og unnið verkefni sem tengist glerblæstri, en það er bara hugmynd frá okkur,“ segir Louise.

Ónæm fyrir gleri

Fiona nefnir að hátíðin snúist ekki einungis um listamenn heldur samfélagið. „Samfélagið er orðið vant öllu sem tengist gleri, það er alls staðar og er í svo mörgu í okkar lífi þannig að við verðum ónæm fyrir gleri. Gler krefst mikils efnis til framleiðslu og ég held að við gerum okkur ekki grein fyrir því hversu miklu efni er blandað saman til að búa til gler. Við viljum geta komið því á framfæri á hátíðinni, með því að bjóða upp á lifandi kennslu, hvernig gler er búið til og hvers vegna við sem samfélag ættu að gefa því meiri gaum,“ segir Fiona.

Jökullinn og eldfjallið

Breytingar verða á hátíðinni eftir því sem henni fram líður; nýir listamenn koma og mögulega dvelja í nokkra daga eða viku. „Tengingin við Snæfellsnes er mikilvæg fyrir hátíðina. Við stefnum á að halda hátíðina frá lok júní og fram í júlí en nafnið á hátíðinni; Glóandi Jökull, er tengingin við jökulinn og eldinn sem verður áberandi á hátíðinni. Við vonumst til að sjá sem flesta hér á Hellissandi á næsta ári,“ segir Louise að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Skipuleggja-glerblasturshatid-a-Hellissandi_3-1200x1600.jpg" alt="" class="wp-image-90317" /><figcaption>Fiona Byrne með ofn á hjólum.</figcaption></figure>

Fréttaveita Vesturlands

Skipuleggja glerblásturshátíð á Hellissandi