Samkvæmt Veðurstofu Íslands verður ágætt veður á Vesturlandi í dag, norðaustan 3-8 m/s, en norðvestan 5-10 í fyrstu. Bjartviðri en skýjað norðaustantil fram á kvöld. Hiti 3 til 10 stig að deginum, hlýjast sunnanlands. Breytileg átt 3-8 m/s og yfirleitt bjart á morgun, en skýjað og líkur á lítilsháttar vætu við suðvestur- og vesturströndina. Hiti breytist lítið.

Á sunnudag (páskadag) verður austan 8-13 m/s syðst á landinu, annars hægari vindur. Víða þurrt og bjart veður og hiti 1 til 8 stig, mildast vestast, en skýjað með köflum og víða vægt frost austantil.

Á mánudag (annan í páskum) verður norðaustlæg átt 3-8 m/s, en 8-13 við suðausturströndina. Sums staðar dálítil él og frost 0 til 4 stig, en léttskýjað og hiti 1 til 7 stig sunnan- og vestantil.

Á þriðjudag ríkir hæg austlæg átt, skýjað en þurrt að kalla austantil, en víða léttskýjað um landið vestanvert. Heldur hlýnandi. Á miðvikudag austanátt og bjart með köflum, en dálítil rigning á Suðausturlandi og á Austfjörðum. Hiti 2 til 12 stig yfir daginn, svalast norðaustanlands og á Vestfjörðum.

Á fimmtudag (sumardaginn fyrsta) er gert ráð fyrir austanátt með rigningu á köflum með og hlýju veðri, en yfirleitt bjart og þurrt norðantil og heldur svalara.

Með spánni fylgja þessar hugleiðingar frá veðurfræðingi: „Í dag verður fremur hæg breytileg átt á landinu, en norðvestan 8-13 m/s á Austfjörðum fram eftir degi. Yfirleitt bjart, en skýjað og stöku smáél norðaustantil en léttir í kvöld. Hiti 3 til 9 stig yfir hádaginn, en nálægt frostmarki norðaustantil. – Á morgun verður áfram hægviðri og bjart en skýjað með köflum og sums staðar lítilsháttar væta við suðvestur- og vesturströndina. Hlýnar heldur. – Austanátt á páskadag, strekkingur syðst á landinu, en annars hægari. Bjart með köflum og sums staðar lítilsháttar væta við ströndina. Hiti breytist lítið.

Mynd (GJ): Fellsströnd séð frá Búðardal.

Veðrið fram á sumar