medium

large

thumbnail

1536x1536

small

custom-size

Þrjú lið af Vesturlandi komin í 16-liða úrslit í Mjólkurbikarnum – Dregið í hádeginu

2048x2048

Vægi ferðaþjónustu er afar misjafnt milli sveitarfélaga

Norðurál tryggir raforkukaup

Þyrlusamningur fyrir átta milljarða til sjö ára

Fjárfestingastuðningur í landbúnaði verður 5-6 prósent á þessu ári

Vinnumálastofnun hefur sagt upp forstöðumönnum á Vesturlandi og Vestfjörðum

core/heading

<h2>Rætt við Pétur Má Sigurðsson, þjálfara Skallagríms í 1. deild karla í körfubolta um tímabilið sem endaði í liðnum mánuði</h2>

core/paragraph

Skallagrímur í Borgarnesi spilaði í 1. deild karla í körfubolta á nýliðnu tímabili en Pétur Már Sigurðsson skrifaði síðasta sumar undir tveggja ára samning um þjálfun liðsins. Lið Skallagríms hefur verið í 1. deild karla frá því að það féll úr efstu deild, tímabilið 2018-2019.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Erfitt-en-laerdomsrikt-timabil-1-1200x757.jpg" alt="" class="wp-image-90229" /><figcaption>Pétur Már Sigurðsson þjálfari Skallagríms. Ljósm. hig</figcaption></figure>

Ólán með meiðsli

Lið Skallagríms kom nokkuð breytt fyrir nýliðið tímabil en nýir erlendir leikmenn mættu um miðjan september. „Undirbúningstímabilið fór vel af stað og æfðum við stíft fram að keppninni. Erlendu leikmennirnir komu inn um miðjan september og urðum við fyrir því óláni að ameríski leikmaðurinn okkar meiddist fljótlega og þurftum við að senda hann heim,“ segir Pétur Már. Segja má að tímabilið hafi litast mikið af meiðslum og veikindum. „Væntingarnar voru að komast í úrslitakeppni og gera góða hluti þar. Meiðsla- og veikindasaga tímabilsins gerðu okkur erfitt að ná því markmiði. Leiktímabilið fór ágætlega af stað og þrátt fyrir að vera Kanalausir til að byrja með þá unnum við tvo af fyrstu þremur leikjum okkar á tímabilinu en svo misstum við leikmenn út í meiðsli og veikindi,“ segir Pétur.

Mannabreytingar í liðinu

Pétur telur upp öll þau meiðsli og veikindi sem liðið lenti í. „Almar Orri Kristinsson meiddist í vinnuslysi og Ragnar Magni Sigurjónsson var að eiga við þrálát meiðsli í hné. Jure Boban rifbeinsbrotnaði í öðrum leik og svo misstum við Eirík Frímann Jónsson út með veikindi og aftur í meiðsli seinna á tímabilinu. Við áttum erfitt með að tengja sigurleiki þrátt fyrir hörkuleiki en það var ákveðið að fara í mannabreytingar á liðinu um áramótin og fengum við tvo nýja leikmenn inn. Það var sérstaklega mikilvægt að fá Jermain Hamlin sem stóran mann og breytti hann miklu fyrir okkur. Við enduðum tímabilið á að vinna þrjá af síðustu fimm leikjum og gef ég leikmönnum, stjórn og stuðningsmönnum mikið hrós fyrir þrautseigju þegar gekk sem verst og gott að geta endað tímabilið á jákvæðum nótum,“ nefnir Pétur.

Varnarleikurinn ekki góður

Blaðamaður spyr Pétur um hvað hann hefði viljað gera öðruvísi fyrir tímabilið? „Það er mikinn lærdóm að taka frá þessu tímabili. Okkur vantaði sárlega stóran mann frá byrjun og breytti Jermain Halin miklu fyrir okkur. Eflaust hefði maður viljað velja betur inn í þessar stöður en öll meiðslin og veikindin gerðu það erfitt fyrir,“ nefnir Pétur, en hvar töpuðust þessir leikir í vetur hjá Skallagrími? „Það er hægt að telja upp margt. Varnarleikurinn hjá okkur var ekki nógu góður í vetur og fengum við allt of mörg stig á okkur. Ég gæti sagt að reynsluleysi hafi komið þarna inn en held að það hafi verið mjög gott að ungir leikmenn liðsins hafi fengið ábyrgð og öðlast reynslu í þessum leikjum,“ segir Pétur.

Pétur segir að það hafi verið gaman að sjá marga leikmenn stíga upp og láta til sín taka á tímabilinu. „Eiríkur Frímann Jónsson átti mjög gott tímabil þegar hann var heill og var hann einn af burðarásunum í liðinu í vetur. Sævar Alexander Pálmason tók gríðarlegum framförum á tímabilinu og hans framlag í seinni hluta tímabilsins var mjög mikilvægt fyrir liðið,“ nefnir Pétur og heldur áfram: „Benjamín Karl Styrmisson átti mjög góðar innkomur í vetur og hann sannaði að hann er hörkuleikmaður sem er mjög mikilvægur fyrir liðið og Kristján Sigurbjörn Sveinsson er líka leikmaður sem þarf að fylgjast með. Hann átti mjög góðar innkomur í meistaraflokknum í vetur og er að spila mjög vel með ungmennaflokknum. Ég hef mikla trú á honum og hlakka til að vinna með honum áfram,“ segir Pétur.

Öflug fyrsta deild í ár

Hvernig fannst Pétri deildin vera í ár og hvað tekur hann út úr þessu tímabili sem þjálfari? „Deildin var öflug í ár og það virtust öll lið geta unnið hin. Mikið af liðum með skemmtilega unga stráka sem vert er að fylgjast með í framtíðinni. Þetta var mjög erfitt tímabil en samt svo lærdómsríkt. Það er alltaf mjög erfitt að tapa leikjum en það var mjög ánægjulegt að sjá hvað margir ungir leikmenn stigu upp. Nú þekki ég umhverfið betur og leikmennina sem ég er að vinna með,“ segir Pétur.

Góð tilfinning fyrir næsta tímabili

Pétur er farinn að hallast að því að Fjölnir muni fylgja liði ÍA upp í Bónus deild karla á næsta tímabili, en hvernig sér hann lið Skallagríms á næsta ári? „Við munum halda áfram að byggja upp yngri leikmenn og reyna að mynda öflugt lið. Ég hef mjög góða tilfinningu fyrir næsta tímabili. Breytingar á leikmannahópnum verður bara að koma í ljós hverjar verða en það er mikilvægt að halda okkar kjarna og auk þess að reyna að styrkja liðið með íslenskum leikmönnum. Val á erlendum leikmönnum verður svo skoðað seinna í sumar,“ segir Pétur Már að lokum.

Fréttaveita Vesturlands

Erfitt en lærdómsríkt tímabil