medium

large

thumbnail

small

custom-size

Fjárfestingastuðningur í landbúnaði verður 5-6 prósent á þessu ári

Vinnumálastofnun hefur sagt upp forstöðumönnum á Vesturlandi og Vestfjörðum

1536x1536

2048x2048

Elsa Lára ráðin skólastjóri Brekkubæjarskóla á Akranesi

Glæsileg stórsýning vestlenskra hestamanna

Grænlensk kóraveisla með íslensku ívafi

Gleðilega páska

core/paragraph

Stjarnan og ÍA áttust við í 2. umferð Bestu deildar karla í knattspyrnu í gærkvöldi og var leikurinn á Samsungvellinum í Garðabæ. Áhorfendur sem komu á leikinn voru rétt um þúsund og aðstæður til knattspyrnuiðkunar voru ekki góðar, frekar kalt var á leiknum og mikill vindur.

Leikurinn var frekar tíðindalaus fyrstu tuttugu mínúturnar, liðin voru að þreifa hvort á öðru og lítið var um færi. Fyrsta mark leiksins kom á 26. mínútu þegar Stjarnan fékk sína fyrstu hornspyrnu. Boltinn kom á nærstöngina þar sem Guðmundur Baldvin Nökkvason flikkaði honum lengra inn í teiginn og þar reis Andri Rúnar Bjarnason hæst og stangaði boltann í netið. Eftir markið voru Stjörnumenn sterkari en þremur mínútum fyrir hálfleik náðu Skagamenn að jafna metin. Haukur Andri Haraldsson fékk þá boltann við teiginn vinstra megin og átti góða sendingu á Steinar Þorsteinsson sem tók knöttinn viðstöðulaust og hann lak í stöngina og inn í fjærhornið. Andri Rúnar fékk síðan ágætis færi skömmu síðar þegar hann lyfti boltanum yfir Árna Marinó í marki ÍA en náði ekki að stýra tuðrunni á markið og staðan 1-1 í hálfleik.

Það var meira fjör í seinni hálfleiknum og byrjaði strax þegar boltinn datt fyrir Hauk Andra í teignum en Árni Snær Ólafsson varði vel skot hans. Sigurmark leiksins kom síðan á 52. mínútu þegar Andri Rúnar lyfti boltanum snyrtilega yfir varnarlínu Skagamanna á Guðmund Nökkva á markteignum sem stýrði boltanum viðstöðulaust í netið. Aðeins mínútu síðar átti Emil Atlason skalla rétt framhjá marki ÍA og hinu megin rétt eftir það skallaði Steinar á markið sem Árni Snær varði örugglega. Besta færi Skagamanna fékk Viktor Jónsson á 62. mínútu þegar hann skaut boltanum hátt yfir markið úr teignum eftir góðan undirbúning Jóns Gísla Eyland og ansi illa farið með gott færi. Gestirnir voru í leit að jöfnunarmarkinu en gekk illa að skapa sér færi og heimamenn náðu að halda þetta út. Áður en það gerðist fékk Haukur Andri sitt annað gula spjald og þar með rautt og verður því í banni í næsta leik. Síðan fékk fyrirliðinn Rúnar Már Sigurjónsson fínt færi á lokamínútunni en skóflaði boltanum rétt yfir markið. Lokatölur 2-1 Stjörnunni í vil og svekkjandi tap Skagamanna.

Næsti leikur ÍA er í 32-liða úrslitum Mjólkurbikarsins á móti Gróttu á föstudaginn langa. Leikurinn verður á Avis vellinum í Laugardalnum og hefst klukkan 14.

Fréttaveita Vesturlands

Skagamenn töpuðu gegn Stjörnunni