Í gær var skrifað undir stofnsamning um Nemendagarða Menntaskóla Borgarfjarðar hses. Að samningnum standa Brákarhlíð og Menntaskóli Borgarfjarðar með aðkomu Borgarbyggðar og Húsnæðis- og mannvirkjastofnunar. Með því að stofna húsnæðissamvinnufélag um byggingu nemendagarða fæst stofnframlag til verkefnisins frá ríkinu í gegnum Húsnæðis- og mannvirkjastofnun auk þess sem sveitarfélagið Borgarbyggð leggur til hluta stofnframlags. Húsnæðissamvinnufélög eru óhagnaðardrifin félög. Nemendagarðar MB hses kaupir alla neðstu hæðina í væntanlegum nemendagörðum og er verkefnið þar af leiðandi fullfjármagnað.