medium

large

thumbnail

1536x1536

small

custom-size

Náðum að fá fólkið með okkur í lið

2048x2048

Gleðivika á Klettaborg

Afastrákar í blaðadreifingu

Tengja kerti og tónlist

Hraðhleðslustöðvar skulu færðar

Verk Önnu Diljár mun hljóma í Hörpu

core/heading

<h2>Jón Þór Hauksson þjálfari ÍA tekinn tali um komandi tímabil</h2>

core/paragraph

Skagamenn léku í Bestu deildinni á síðasta tímabili eftir að hafa komið upp úr Lengjudeildinni árið á undan og enduðu í 4.-5. sæti eftir 22 leiki ásamt Stjörnunni með 34 stig. Þar með komust þeir í úrslitakeppni efri hluta deildarinnar og luku leik í 5. sæti með 37 stig. Besta deildin hefst næsta laugardag með opnunarleik Breiðabliks og Aftureldingar og daginn eftir mætir ÍA liði Fram á Lambhagavellinum í Úlfarsárdal. Jón Þór Hauksson er á sínu fjórða ári með lið ÍA og blaðamaður Skessuhorns kom við hjá honum í síðustu viku til að ræða komandi tímabil.

Spilað fáa alvöru keppnisleiki

Tímabilið hófst af alvöru hjá liði ÍA í Lengjubikarnum sem hófst í annarri viku febrúarmánaðar og lauk í byrjun mars. Eftir það fóru Skagamenn í æfingaferð til Tenerife þar sem þeir dvöldu í rúma viku. Hvernig gekk undirbúningstímabilið og ertu sáttur við það? „Já, það gekk að mörgu leyti mjög vel en sumir hlutir gengu ekki jafn vel og í fyrra. Ég er ekki sáttur við hvernig undirbúningstímabilið er að þróast á Íslandi. Þetta tímabil var til dæmis að mörgu leyti mjög ólíkt undirbúningstímabilinu í fyrra þar sem við fórum í úrslitaleiki í öllum keppnum. Við töpuðum einum leik í vetur en samt höfum við spilað mjög fáa leiki þar sem eitthvað var undir. Þannig að því leytinu til var þetta mjög ólíkt undirbúningstímabilinu frá því í fyrra þegar við vorum að taka þátt í öllum keppnum til loka. En í ár þá hefur svolítið vantað upp á svona alvöru keppnisleiki. Við höfum spilað mjög fáa þannig leiki í vetur en að því sögðu hefur þetta gengið ágætlega.“

Þróist sem leikmenn

Þú sagðir fyrir mótið í fyrra að þið væruð vonandi farnir að sigla lygnan sjó í leikmannamálum. Arnleifur Hjörleifsson, Ármann Ingi Finnbogason, Árni Salvar Heimisson, Breki Þór Hermannsson, Hilmar Elís Hilmarsson og Ingi Þór Sigurðsson fóru allir á láni fyrir tímabilið. Hver er hugsunin á bak við það? „Hún er í raun sú að þeir taki tímabært skref á sínum ferli, stækki sitt hlutverk og þróist sem leikmenn. Einnig að þeir fái aukna ábyrgð og vonandi með góðri spilamennsku meira sjálfstraust og séu þar af leiðandi betur í stakk búnir til þess að að keppa um sæti í okkar liði. Þetta er að mörgu leyti nauðsynlegt skref fyrir þá en þeir hafa margir hverjir verið í langan tíma í meistaraflokki án þess að hafa stórt hlutverk í liðinu. Að sjálfsögðu er eftirsjá af þessum leikmönnum, þetta eru allt öflugir leikmenn og hafa verið í stóru hlutverki í okkar hóp undanfarin ár og við finnum alveg fyrir því að þeir séu farnir. Auðvitað tökum við ákveðna áhættu til skamms tíma en vonandi, þegar við horfum til lengri tíma, þá á það eftir að borga sig. Vonandi eiga þeir eftir að njóta sín í stærra hlutverki í Lengjudeildinni og koma öflugri til baka.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/04/Vid-erum-fyrst-og-fremst-ad-vinna-i-thvi-ad-finna-stodugleika-i-felaginu-2-1200x900.jpg" alt="" class="wp-image-89775" /><figcaption>Nýir leikmenn ÍA 2025. Frá vinstri: Ómar Björn Stefánsson, Jón Sölvi Símonarson, Gísli Laxdal og Baldvin Þór Berndsen.</figcaption></figure>

Eru á betri stað en í fyrra

Nýir leikmenn hjá ÍA eru Baldvin Þór Berndsen, Gísli Laxdal, Jón Sölvi Símonarson og Ómar Björn Stefánsson. Ef þú lítur yfir leikmannahópinn, er hann sterkari en í fyrra og kannski betur samsettur að þínu mati? „Já, ég tel að við séum á betri stað núna heldur en fyrir mótið í fyrra. Rúnar Már, Albert Hafsteins og Haukur Andri voru mjög lítið með okkur síðasta sumar þannig að það má alveg líta á það sem styrkingu. Þarna eru náttúrlega þrír mjög öflugir miðjumenn sem spiluðu lítið með okkur í fyrra og verða vonandi lykilmenn á þessu tímabili.“ Er staðan góð á þeim? „Já, hún er virkilega góð. Haukur Andri er nýkominn úr U-21 árs landsliðsverkefni þar sem hann fór á kostum í 6-1 sigri á Skotum. Rúnar Már hefur verið að spila síðustu leiki og það hefur verið virkilega góður stígandi hjá honum á þessu undirbúningstímabili. Sama með Albert, hann hefur æft vel í vetur og sloppið við meiðsli sem voru að hrjá hann á síðasta tímabili. Við erum hins vegar að taka stóran hóp af mjög ungum leikmönnum inn í leikmannahópinn sem eru að stíga sín fyrstu skref í meistaraflokki<a>. Við erum fullkomlega sáttir við að fara inn í mótið með núverandi leikmannahóp en ef eitthvað spennandi kemur upp þá erum við líka alveg tilbúnir að skoða þau leikmannamál. Þau eru auðvitað alltaf í skoðun og við erum alltaf að leitast eftir því að bæta liðið okkar og styrkja klúbbinn.“</a>

Halda strúktúrnum

Hvernig leggur þú upp spilamennsku liðsins í sumar? „Okkar leikstíll og leikaðferð verður byggð upp með mjög svipuðum hætti og undanfarin tvö til þrjú tímabil. Við ætlum að byggja ofan á það og reyna að bæta þá hluti sem við þurfum að bæta frá síðasta tímabili. Það eru til að mynda nokkrir leikir sem sitja í okkur frá síðasta tímabili þar sem við vorum í góðri forystu og misstum niður í tap eða jafntefli sem við þurfum að gera betur í þeim stöðum. En svona í grunninn þá ætlum við að halda áfram að rækta sömu hluti og við höfum verið að gera. Við höldum þeim strúktúr og reynum að smyrja þá hluti sem við þurfum að smyrja örlítið betur og bæta okkur ár frá ári.“

Lykilmenn að toppa

Hvernig er staðan á leikmannahópnum svona stuttu fyrir mót? „Hún er mjög góð, það eru lítil sem engin meiðsli í hópnum og lykilmenn eru að toppa á hárréttum tíma þannig að þetta lítur allt saman mjög vel út. Við höfum æft vel í vetur og einstaklingsþjálfunin gengið virkilega vel. Það er kannski það sem maður tekur út úr þessu undirbúningstímabili. Einstaklingarnir í liðinu hafa vaxið og styrkt sig og eru í virkilega góðu líkamlegu ástandi. Ef maður á að bera saman undirbúningstímabilið í fyrra og núna þá var þróunin á liðinu í fyrra virkilega góð og við áttum mjög gott undirbúningstímabil hvað það varðar. Þetta undirbúningstímabil hefur snúist meira um einstaklingana en eins og ég sagði áðan þá var þetta slitrótt hvað keppnisleiki varðar en staðan á liðinu er verulega góð fyrir fyrsta leik á móti Fram.“

Ætla að vera í efri hlutanum

Hvernig líst þér á Bestu deildina í ár? „Hún verður held ég mjög sterk og stórskemmtileg. Þetta eru tólf öflug lið en þróunin síðustu ár hefur verið á þá leið að Víkingur og Breiðablik hafa verið að skilja sig frá öðrum liðum. Við þurfum að eiga góða byrjun í mótinu og safna stigum og koma okkur þannig fyrir að við verðum í þessum efri hluta þegar fyrri hluta deildarinnar lýkur.“ En <a>h</a>ver eru markmið og væntingar liðsins fyrir tímabilið? „Ég er nokkuð viss um að liðið hefur þær væntingar að ætla sér að bæta árangur liðsins frá því í fyrra. Það er auðvitað alltaf markmiðið en ég held við förum inn í tímabilið í raun og veru á svipaðan hátt og í fyrra. Að byrja vel og safna eins mörgum stigum og hægt er í upphafi móts og stefna á það að vera í efri hlutanum þegar deildin skiptist eftir 22 leiki. Stokka þá upp spilin og gera frekari markmið á þeim tímapunkti. Fyrsta markmiðið er að safna stigum og komast í efri hluta deildarinnar, það skiptir miklu máli fyrir okkur.“

Sér tækifæri í hverjum einasta leik

ÍA spilar fjóra leiki í apríl í byrjun móts, fyrst við Fram og Stjörnuna á útivelli, síðan heima við Vestra og loks við KR fyrir sunnan. Hvernig líst þér á þessa leiki? „Þetta er í takt við deildina eins og áður, það er bara sjálfvirkt. Þau lið sem eru með sína heimavelli á náttúrulegu grasi, þau byrja á tveimur útileikjum. Þetta er mjög keimlíkt byrjuninni frá því í fyrra og mér líst ljómandi vel á þetta. Ég sé tækifæri í hverjum einasta leik og ég tel að við séum með lið sem getur farið hvert á land sem er til þess að vinna. Við ætlum að gera okkar besta og sjáum hvað kemur út úr því.“

Mikil spenna í hópnum

Eru menn ekki orðnir spenntir fyrir nýju tímabili? „Jú, heldur betur. Það er mikil spenna í hópnum og hún eykst eftir því sem dagarnir líða fram að móti. Fyrsti leikur er á móti Fram, þeir eru með virkilega góða umgjörð í kringum sína leiki og eru með frábæran heimavöll. Við erum tilbúnir, liðið er tilbúið og það er mikil spenna að byrja mótið.“ Eru líkur á því að fyrsti heimaleikur verði á aðalvellinum en ekki inn í höll? „Já, ég tel alveg góðar líkur á því. Völlurinn lítur vel út miðað við árstíma og þetta snýst bara um hversu marga sólargeisla við fáum fram að fyrsta heimaleik. Við erum auðvitað háðir því fyrst og fremst en það er ekkert frost í vellinum. Það hefur verið unnið í vellinum frá því í haust eftir mótið í fyrra og nú eru byrjaðar framkvæmdir aftur þannig að núna snýst þetta bara um sólargeisla, guð og lukku hvernig veðrið verður síðustu vikurnar fyrir mót.“

Taka áfram réttu skrefin

Eitthvað að lokum? „Við erum fyrst og fremst að vinna í því að finna stöðugleika í félaginu. Að búa til gott lið, góða liðsheild og öflugan leikmannahóp. Taka áfram réttu skrefin og sjá hvað það skilar okkur. Það er okkar markmið og ef við höldum í okkar gildi getur ýmislegt gerst. Annars hvet ég alla til að koma á völlinn í sumar og styðja strákana til sigurs. Við höfum verið mjög heppnir með stuðninginn síðustu ár og treystum á og vonum að það verði þannig áfram. Við erum tilbúnir í fyrsta leik, við hlökkum til sumarsins og ætlum að gera okkar besta og meira til ef með þarf,“ segir Jón Þór að lokum.

Fréttaveita Vesturlands

Við erum fyrst og fremst að vinna í því að finna stöðugleika í félaginu“