medium

thumbnail

small

custom-size

Jörð skalf rétt fyrir klukkan 17

large

1536x1536

Rútuferðir ehf festa kaup á Hring SH og breyta skipinu fyrir ferðaþjónustu

2048x2048

Sóley Rósa vann Upplestrarkeppni Vesturlands

Atli í toppbaráttunni á sínu fyrsta spilakvöldi í bridds

Dreyrafólk keppti í tvígangi á götuleikum

Söngbræður ljúka vetrarstarfinu með tvennum tónleikum

core/paragraph

Kári og KFS áttust við í fyrstu umferð Mjólkurbikars karla í knattspyrnu á laugardaginn og var leikið í Akraneshöllinni. Tvær deildir eru á milli liðanna á Íslandsmótinu í sumar, Kári spilar í annarri deild og KFS í þeirri fjórðu. Káramenn komu af krafti inn í leikinn og uppskáru mark strax á sjöttu mínútu. Benjamín Mehic átti þá góða sendingu yfir vörn KFS á fjær beint á kassann á Þór Llorens Þórðarsyni sem setti boltann fast fyrir þar sem Hektor Bergmann Garðarsson var mættur á fjærstöngina og ýtti honum yfir línuna. Heimamenn voru miklu meira með boltann næsta hálftímann án þess þó að skapa sér mikið og það kom í bakið á þeim rúmum tíu mínútum fyrir hálfleik. Daníel Már Sigmarsson skallaði þá boltann í netið hjá Kára eftir fína fyrirgjöf og staðan jöfn í hálfleik, 1-1.

Það var ljóst frá fyrstu mínútu seinni hálfleiks að Káramenn komu mun ákveðnari til leiks og þeir skoruðu tvö mörk á fyrstu tíu mínútunum. Fyrst skoraði Börkur Bernharð Sigmundsson eftir sendingu frá Finnboga Laxdal og síðan var Finnbogi aftur á ferðinni þegar hann lagði boltann á Hektor sem setti hann í netið. Þá var næst komið að þætti Þórs Llorens en á tólf mínútna kafla skoraði hann tvö mörk. Á 68. mínútu setti hann boltann auðveldlega í netið eftir fyrirgjöf og tíu mínútum fyrir leikslok fékk Þór knöttinn í teignum eftir klafs og þrumaði honum upp í þaknetið. Staðan 5-1 fyrir Kára og þeir voru ekki hættir því fyrirliðinn Marinó Hilmar Ásgeirsson skoraði sjötta markið undir lokin með góðu skoti eftir hornspyrnu. Sigurður Hrannar Þorsteinsson átti lokaorðið í uppbótartíma þegar brotið var á honum innan vítateigs og hann skoraði af miklu öryggi úr vítaspyrnunni. Lokatölur stórsigur Kára, 7-1, og þeir komnir í 2. umferð í Mjólkurbikarnum.

Þar mætir Kári liði Árbæjar sem leikur í þriðju deild í sumar og verður viðureignin næsta föstudag. Það eru því góðar líkur á að Kári komist í 32-liða úrslit sem verða spiluð um miðjan apríl. Leikur Kára og Árbæjar fer fram í Akraneshöllinni og hefst klukkan 20.

Stórsigur Kára á KFS í Mjólkurbikarnum