medium

thumbnail

small

custom-size

Jörð skalf rétt fyrir klukkan 17

large

1536x1536

Rútuferðir ehf festa kaup á Hring SH og breyta skipinu fyrir ferðaþjónustu

2048x2048

Sóley Rósa vann Upplestrarkeppni Vesturlands

Atli í toppbaráttunni á sínu fyrsta spilakvöldi í bridds

Dreyrafólk keppti í tvígangi á götuleikum

Söngbræður ljúka vetrarstarfinu með tvennum tónleikum

core/paragraph

Skallagrímur úr Borgarnesi lék gegn Hamri frá Hveragerði í 1. umferð Mjólkurbikars karla í knattspyrnu á sunnudaginn, en leikið var á gervigrasi Þróttar í Laugardalnum. Hamar leikur í 4. deild í sumar á meðan Skallagrímur situr í 5. deild.

Aðstæður voru erfiðar þegar leikurinn var flautaður á en ansi mikill vindur ásamt slabbi á gervigrasinu hafði mikil áhrif á leikinn en síðar átti eftir að heyrast þrumur svo undir tók í dalnum. Skallagrímsmenn náðu góðum tökum á leiknum og náðu forystu undir lok fyrri hálfleiks þegar Alejandro Serralvo kom boltanum í mark Hamarsmanna en staðan því í hálfleik, 0-1. Hamar gerðu breytingar á liði sínu í hálfleik og náði snemma að jafna metin, þegar Ástmar Kristinn Elvarsson skoraði á 55. mínútu eftir darraðardans í vítateig Borgnesinga. Liðin fengu færi til að klára leikinn en allt kom fyrir ekki, leikurinn endaði 1-1 og því þurfti að framlengja.

Þreyta var nú komin í bæði lið en eftir hornspyrnu skoraði Alejandro Serralvo sitt annað mark á 111. mínútu og Sveinn Mikael Ottósson skoraði þriðja mark Skallagríms á 117. mínútu, þar sem Sveinn Mikael fékk boltann fyrir utan teig Hamars og negldi boltanum óverjandi framhjá markverði Hamars. Fóru Skallagrímsmenn með glæsilegan sigur af hólmi, 1-3 gegn sterku liði Hamars.

Næsti leikur Skallagríms er gegn Úlfunum í 2. umferð Mjólkurbikarsins en staðfestur leikstaður og leiktími verður tilkynntur á næstu dögum.

Tveir leikmenn fæddir árið 2009 voru á varamannabekk Skallagríms, þeir Adam Jörri Völundarson og Kristján Einar Arinbjarnarson. Kristján Einar kom inn á völlinn á 60. mínútu og spilað vel en Adam Jörri kom ekki við sögu í leiknum.

Fréttaveita Vesturlands

Skallagrímur sigraði Hamar í Mjólkurbikar karla