medium

large

thumbnail

1536x1536

small

custom-size

Tengja kerti og tónlist

2048x2048

Hraðhleðslustöðvar skulu færðar

Verk Önnu Diljár mun hljóma í Hörpu

Snæfell jafnaði metin gegn Hamri

Samfylkingin mælist nú stærst í Norðvesturkjördæmi

Fleiri vildu kaupa mjólkurkvóta en selja

core/paragraph

Á fundi byggðarráðs Borgarbyggðar á fimmtudaginn var til umræðu gamla íbúðarhúsið á Hamri við Borgarnes og framtíð þess. Eins og kunnugt er hefur ekki verið föst búseta í húsinu í áratugi en Golfklúbbur Borgarness nýtti það sem klúbbhús eftir að hafa gert það upp frá 1979. Núverandi leigusamningur um húsið var gerður 2003 og rennur út í árslok 2028. Í húsinu var í áratugi klúbbhús golfara í Borgarnesi en í því var einnig af ýmsum staðarhöldurum rekin veitingasala og gistiþjónusta. Samþykkt var tillaga á fundi byggðarráðs í síðustu viku að fela sveitarstjóra að stofna lóð um húsið og leita tilboða í kaup á því. Samhliða að gert verði samkomulag við golfklúbbinn um uppgjör á leigusamningi.

Hamarshúsið á sér aldar langa sögu en Jóhann Magnússon frá Glerárskógum byggði það árið 1926. Þetta er steinsteypt og byggt sem tvílyftur burstabær og er meðal helstu kennileita í héraði enda sést til Hamarshússins víða að, ekki síst frá þjóðveginum. Húsið er á Hamrinum svokallaða, sem golfvöllurinn dregur nafn sitt af. Áður en Golfklúbbur Borgarness gerði upp húsið á áttunda áratug síðustu aldar höfðu klúbbfélagar haft hug á að byggja sitt eigið klúbbhús við Hamarsvöll, en frá því var horfið eftir að Borgarneshreppur, eigandi hússins, ákvað að færa klúbbnum það til afnota. Hreppurinn myndi að auki kosta allt efni við endurbætur gegn því að félagar í klúbbnum legðu til vinnu. Þeir einhentu sér í að lagfæra húsið og koma þar upp myndarlegri félagsaðstöðu. Framkvæmdir stóðu yfir í nokkur ár og lauk vorið 1979 og voru ófáar vinnustundir lagðar í verkið.

Fyrir tæpum þremur árum kom fram tillaga um að stofna Hollvinafélag Hamarshússins í Borgarnesi. Sú tillaga hlaut ekki brautargengi hjá eigendum hússins sem nú hafa ákveðið að bjóða það til sölu.

Ætla að stofna sérlóð og bjóða gamla Hamarsbæinn til sölu