Á fundi sveitarstjórnar Hvalfjarðarsveitar sl. miðvikudag var lagt fram tilboð frá Guðmundi Júlíussyni og Valdimar Inga Brynjarssyni í rekstur sundlaugarinnar að Hlöðum sumrin 2025 og 2026. Helga Harðardóttir varaoddviti lagði fram eftirfarandi tillögu á fundinum: „Sveitarstjórn samþykkir framlögð drög að verksamningi og að gengið verði til samninga við Guðmund og Valdimar um rekstur sundlaugarinnar á Hlöðum til næstu tveggja ára og felur sveitarstjóra undirritun samningsins. Sveitarstjórn samþykkir jafnframt framlagða tillögu að gjaldskrá sundlaugarinnar og gildistöku hennar frá 1. maí nk.“