medium

thumbnail

small

custom-size

Eldgos hafið skammt frá Grindavík

large

1536x1536

2048x2048

Silfur var þemað í kvennatölti Borgfirðings

Ferðaþjónusta í vexti

Bærinn í Sveinatungu er elsta steinsteypta hús í sveit

Samfélagsmiðlum og streymisveitum innheimti virðisaukaskatt – ella verði lokað

Skallagrímur sigraði Hamar í Mjólkurbikar karla

core/paragraph

Snæfell heimsækir Hamar í fyrstu umferð 1. deildar karla í körfubolta næstkomandi laugardag, en um er að ræða átta liða úrslit 1. deildar karla og fer eitt lið upp ásamt deildarmeisturum ÍA í Bónus deildina á næsta tímabili. „Við komum inn í úrslitakeppnina með tvær framlengingar á bakinu á móti hörku liðum. Síðasti leikurinn í deildarkeppninni var einmitt á móti Hamri og tapaðist leikurinn eftir framlengingu í Hveragerði,“ segir Gunnlaugur Smárason þjálfari Snæfells í samtali við Skessuhorn. Fyrir tímabilið var Hamri spáð efsta sæti deildarinnar en Gunnlaugur segir að það sé það skemmtilega við íþróttir, að allt getur gerst. „Við komum inn í einvígið sem litla liðið og verðum væntanlega með okkar framlagshæsta mann í banni í fyrsta leik, sem segir okkur að við þurfum að kafa dýpra og vera með enn meiri orku til þess að ná sigri í fyrsta leik. Það er verkefni sem allir leikmenn vilja fá og leysa,“ segir Gunnlaugur.

Æfingavikan hófst á bílabóni Snæfells en Gunnlaugur telur að lið Snæfells sé tilbúið. „Án þess að gefa upp veikleika Hamars þá vonumst við til þess að geta sótt vel á veikleikana og haldið okkur við leikplanið. Við erum með mörg sóknarvopn og ætlum við að leyfa sem flestum að njóta sín. Menn eru orðnir nægilega þroskaðir einstaklingar að vita að liðsframmistaða skilar sigrum, það ætlum við að reyna að sýna. Skemmtilegasti tími ársins er genginn í garð og við ætlum að kreista allt út úr liðinu til þess að vera eins tilbúnir og við getum,“ segir Gunnlaugur.

Leikir verða með stuttu millibili en fyrstu leikir úrslitakeppninnar verða spilaðir bæði föstudag og laugardag næstkomandi og svo aftur á mánudag og þriðjudag. „Við erum virkilega spenntir fyrir komandi verkefni og ætlum að gefa okkur alla í það. Það eru komin nokkur ár síðan við fórum í úrslitakeppnina í 1. deild og við finnum fyrir miklum áhuga í bænum. Við vonumst til að fólk fjölmenni á fyrsta leikinn sem er á frábærum tíma, laugardegi kl. 17:00. Ekkert betra en að kíkja í Álnavörubúðina og svo beint á leik í úrslitakeppninni! Ég skora hér með á Snæfellinga að hópast saman í bíla og taka rúnt á leikinn. Mæta í Snæfellslitunum og öskra strákana í gang,“ nefnir Gunnlaugur að lokum.

Snæfell undirbýr sig fyrir úrslitakeppni