medium

large

thumbnail

1536x1536

2048x2048

small

custom-size

Ætla að stofna sérlóð og bjóða gamla Hamarsbæinn til sölu

Rauða fjöðrin seld til styrktar Píeta samtökunum

Bent á háa ölduhæð á stórstraumsflóði í fyrramálið

Austan hríð gengur yfir landið síðdegis – gul viðvörun vestanlands

Veiðar vega þyngst í Snæfellsbæ en vinnslan í Grundarfirði

Kosið um verkfall í stóriðjunni á Grundartanga

core/paragraph

Leikhópurinn Kopar í Menntaskóla Borgarfjarðar frumsýndi í gærkvöldi söngleikinn Með allt á hreinu í Hjálmakletti. Þéttsetið var í salnum og fylgdust áhorfendur með þegar taktóða hljómsveitin steig fyrst upp á svið og náði að heilla gesti. Á milli atriða, þegar sviðsmenn hreyfðu til ýmsa leikmuni, spilaði hljómsveitin við hvern sinn fingur og var ávallt klappað með. Á milli atriða leið ekki langur tími og skiptingar á milli voru ávallt í flæði, þökk sé taktóðu hljómsveitinni, sviðsmönnum og leikstjórn. Stuðmenn náðu að sitja að kjötkötlunum í smá stund áður en Grýlurnar tóku yfir fyrri hluta sýningarinnar þegar hljómsveitin sló í lagið „Maó Gling“ og myndaðist mikil stemning í salnum. Óstöðvandi hlátraköll voru í hvert skipti sem Dúddi steig fram og fór með línu eða gjörning og sópaði Sigurjón Digri gestum út fyrir hlé.

Taktóða hljómsveitin steig aftur upp á svið eftir hlé og var henni vel fagnað en hljómsveitin steig ekki feilspor ásamt leikendum í sýningunni. Frábærlega útfærð lög á borð við „Haustið 75“ og „ÚFÓ,“ þar sem gestir áttu erfitt með að syngja ekki hátt með áður en hljómsveitin sló í lagið „Taktu til við að tvista“ og sáust margir ökklar hreyfast hjá gestum á sýningunni. Grýlurnar tóku yfir þegar taktóða hljómsveitin sló í „Ekkert mál“ áður en Stuðmenn komu saman á sviðinu þegar taktóða hljómsveitin spilaði lagið „Íslenskir karlmenn“. Sýningin endaði svo með laginu „Ferðalag,“ þar sem Stuðmenn voru mættir út til Köben.

Leikfélagið Kopar úr Menntaskóla Borgarfjarðar ásamt leikstjóranum, Rebekku Magnúsdóttur og taktóðu hljómsveitinni, ná að fanga helstu atriði bíómyndarinnar og átti blaðamaður erfitt um vik að stíga ekki Stuðmannadansinn í laginu „Að vera í sambandi,“ hoppa fyrir framan sviðið þegar „Maó Gling“ var spilað eða syngja hátt þegar „Haustið 75“ glumdi í Hjálmakletti. Nostalgíu takturinn sló alla sýninguna og voru gestir hæstánægðir þegar ballið var búið og mælir blaðamaður með að hafa ballskó í bögglum fyrir næstu sýningu.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Nostalgiu-takturinn-slo-alla-syninguna_1NOTA-1200x838.jpg" alt="" class="wp-image-89588" /><figcaption>Stuðmenn og Gærurnar á leið í tónleikaferð um Ísland.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Nostalgiu-takturinn-slo-alla-syninguna_2NOTA-1200x853.jpg" alt="" class="wp-image-89589" /><figcaption>Búktalarinn sló í gegn.</figcaption></figure>

<figure class="wp-block-image size-large is-resized is-style-default"><img src="https://umsjon.skessuhorn.is/wp-content/uploads/2025/03/Nostalgiu-takturinn-slo-alla-syninguna_4NOTA-1200x801.jpg" alt="" class="wp-image-89590" width="840" height="560" /><figcaption>Taktóða hljómsveitin sem spilaði 20 lög á sýningunni. F.v. Atli Hrafn á trommur, Elín Ásta á hljómborð, Eyrún Freyja á bassa og Friðgeir Kári á gítar.</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Nostalgiu-takturinn-slo-alla-syninguna_5NOTA-1200x817.jpg" alt="" class="wp-image-89591" /><figcaption>Anna Guðrún Tómasdóttir danshöfundur, Rebekka Magnúsdóttir leikstjóri og Þóra Sif Svansdóttir ásamt leikfélaginu Kopar hlutu gífurlegt lófaklapp í lok sýningar.</figcaption></figure>