medium

large

thumbnail

small

custom-size

Dagbók úr Baltimore sveit

1536x1536

Mikið fjör á öldungamóti í blaki

2048x2048

Margrét Halldóra ráðin nýr leikskólastjóri á Klettaborg

„Alls enginn skrekkur í okkur“

Lækka hámarkshraða enn frekar

Tveir ökumenn teknir á um 140 km hraða

core/paragraph

Leiklistarklúbburinn Melló í Fjölbrautaskóla Vesturlands á Akranesi frumsýnir söngleikinn Gauragang föstudaginn 28. mars næstkomandi í Bíóhöllinni. Einar Viðarsson er leikstjóri, Elfa Margrét Ingvadóttir sér um tónlistarstjórn og Sandra Ómarsdóttir um öll dansatriði. Gauragangur hefur tvisvar áður verið sýndur af nemendum FVA, fyrst árið 2004 og síðan tíu árum síðar eða 2014 og var þá leikstýrt af þeim Halla Melló og Gunnari Sturlu Hervarssyni. Um 50 manns taka nú þátt í sýningunni og svo bætast við um þrjátíu sem sjá um markaðsmál, búninga, leikmynd, förðun og fleira. Blaðamaður Skessuhorns kom við í Bíóhöllinni í byrjun vikunnar og ræddi stuttlega við Einar Viðarsson leikstjóra um sýninguna.

Hvernig hafa æfingarnar gengið í Bíóhöllinni? „Þær hafa gengið bærilega, við erum búin að vera hérna í rúmar þrjár vikur en það hefur gengið á ýmsu. Við misstum einn leikara úr hópnum sem var með stóra rullu hjá okkur og við þurftum að bregðast skjótt við því. Við náðum að sjanghæja annan formann Melló, Bergþóru Eddu, upp á svið í staðinn fyrir hana Gígju Kristnýju sem meiddist á hné í dansatriði og þurfti hún því miður að draga sig út. En það er gott að eiga góða að og þetta hefur gengið vel að flestu leyti.“

Púsluspilið stækkar

Nú hófust æfingar í byrjun mars, hvernig þróast svona sýning fram að frumsýningu? „Við byrjum á því að sjá fyrir okkur karakterana í verkinu og ég og leikararnir reynum að þróa þá saman. Ég er alltaf með nokkrar hugmyndir sem ég er búinn að sjá fyrir mér og svo vinnum við þetta í sameiningu. Svo förum við að æfa senu fyrir senu og púsla þessu saman, síðan að dæla inn hópatriðunum og á sama tíma og við erum á leikæfingum þá erum við líka með söng- og dansæfingar. Ákveða hvers konar dansa við viljum hafa í dansatriðunum og við Sandra erum vön að vinna saman þannig að við vitum alveg hvaða nálgun við viljum hafa. Svo sér Elfa um sönginn og hefur staðið sig mjög vel í því. Síðan tek ég við öllum hópnum, rúlla öllu saman og svo þegar fram líða stundir þá verður púsluspilið alltaf stærra og stærra og endar vonandi þannig að púslin rata öll á rétta staði.“&nbsp; &nbsp;

Nú taka tæplega 50 manns þátt í sýningunni. Hlutverkin eru rétt um 20, svo eru önnur minni hlutverk og danshópur. Hvernig gengur að leikstýra svona stórum hópi? „Því fleiri, því meiri vinna, segir Einar og hlær. En það sem er ánægjulegast við þessa krakka er að þau vilja svo mikið, þau vita það nú flestöll að hverju þau ganga og vita að þau þurfa að leggja ótrúlega mikið á sig til að þetta gangi upp. Að sama skapi, þar sem ég þekki vel til þeirra, vita þau hvers maður krefst af þeim og það hefur verið ótrúlega gaman að vinna með þeim.“

Hvað er skemmtilegt við söngleikinn Gauragang? „Sagan er mjög skemmtileg og ég man þegar ég sá þetta fyrst í Þjóðleikhúsinu árið 1993 að mig minnir að þá heillaði mig þessi Ormur, þessi hrokafulli og skemmtilegi gaur og hans lífsmunstur. Þetta er mjög skemmtilegt verk, skemmtilegur texti eftir Ólaf Hauk og ekki skemmir tónlistin sem er eftir Nýdönsk. Þetta samspil er mjög skemmtilegt og þetta er verk þar sem er rosalega stórt aðalhlutverk. Gunnar Smári sem fer með hlutverk Orms fer varla út af sviðinu nánast allan tímann og því reynir ansi mikið á hann í þessari sýningu.“

Við hverju mega áhorfendur búast? „Ég held að þeir megi búast við mjög skemmtilegri sýningu. Við höfum sýnt það síðustu ár að við erum tilbúin að vera með kröftugar sýningar þar sem gleðin fer fyrir öllu. Ég vona svo sannarlega að við náum að uppfylla þær kröfur sem við setjum á okkur sjálf og vonandi gera leikhúsgestir sömu kröfur þannig að úr verði gott leikhús.“

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Songleikurinn-Gauragangur-frumsyndur-i-Biohollinni-2-1200x900.jpg" alt="" class="wp-image-89526"/><figcaption>Einar Viðarsson leikstjóri.</figcaption></figure>

Nú ert þú þaulreyndur sem leikstjóri í uppsetningu söngleikja, er þetta alltaf jafn gaman að vinna með ungu fólki að svona sýningum? „Svarið er bara einfalt, já. Það er ekkert flóknara en það. Ætli þetta sé ekki með því allra skemmtilegasta sem ég geri, að fara í krefjandi aðstæður með fólki sem vill gera vel og ég geri einnig miklar kröfur á sjálfan mig. Ég vil alltaf reyna að bæta sjálfan mig líka og þetta gefur mér tækifæri að uppfylla þessa útrás, að skapa. Ég elska það og það er einnig gríðarlega mikilvægt fyrir menninguna á Akranes að vera með leikhús og þannig vil ég koma að borðinu.“ &nbsp;

Eitthvað að lokum? „Við vonum að við sjáum sem flesta og allir hafi gaman af. Það er markmiðið og við verðum hæstánægð ef það tekst. Við erum mjög spennt og hlökkum til að skemmta okkur og öðrum í Bíóhöllinni næstu vikurnar,“ segir Einar Viðarsson leikstjóri að lokum.

Eins og áður kom fram er frumsýningin næsta föstudag og hefst klukkan 19. Önnur sýning verður sunnudaginn 30. mars klukkan 17, sú þriðja mánudaginn 31. mars klukkan 19 og fjórða sýning er þriðjudaginn 1. apríl klukkan 19. Alls er búið að auglýsa tíu sýningar og er hægt að kaupa miða á midix.is. Miðasala er hafin og kostar miðinn 4500 krónur.

core/quote

<blockquote class="wp-block-quote">Magnea Sindradóttir sem leikur Höllu í sýningunni teiknaði auglýsingaplakatið fyrir Gauragang.</blockquote>

Fréttaveita Vesturlands

Söngleikurinn Gauragangur frumsýndur í Bíóhöllinni