medium

large

thumbnail

1536x1536

2048x2048

small

custom-size

ÍATV getur ekki lengur streymt leikjum kvennaliðs ÍA

Hildur SH fékk veiðarfærin í skrúfuna

Samtökin Sól til framtíðar formlega stofnuð

Héldu samráðsfund Öruggara Vesturlands í Borgarnesi

Ráðgjafi VÍS nú til staðar í útibúi Íslandsbanka á Akranesi

Jörð skalf undir Grjótárvatni snemma í morgun

core/paragraph

Bæjarbúar á Akranesi geta nú pantað matvöru í gegnum Snjallverslun Krónunnar og fengið sent heim að dyrum. Krónan er fyrsta verslunin til að bjóða upp á slíka snjallþjónustu en því skal haldið til haga að Einarsbúð á Akranesi hefur í áratugi ekið með vörur heim til viðskiptavina sinna sem hringja inn pantanir.

Í tilkynningu frá Krónunni kemur fram að allar pantanir verða teknar saman og keyrðar út frá verslun Krónunnar á Dalbraut. Viðskiptavinir fá fría heimsendingu ef pantað er fyrir 18 þúsund krónur eða meira í Snjallverslun. Hægt er að nálgast Snjallverslun Krónunnar í appi Krónunnar og á kronan.is. Sigurður Ólafur Oddsson, verslunarstjóri Krónunnar á Akranesi segir að mikil eftirspurn hafi verið eftir þjónustunni og sé því afar ánægjulegt að geta svarað kallinu. „Við í Krónunni á Akranesi getum nú loksins boðið upp á heimsendingar. Íbúar á svæðinu hafa verið duglegir að biðja okkur um að opna fyrir þessa þjónustu og gerum við því ráð fyrir að þessu verði vel tekið af Skagamönnum og síðar Borgnesingum og nærsveitungum ef vel gengur. Matarinnkaupin hafa því sjaldan verið auðveldari fyrir íbúa, stofnanir og fyrirtæki á svæðinu,“ segir Sigurður í tilkynningu.

Krónan hefur síðastliðin ár unnið að því að auka framboð Snjallverslunar á landsbyggðinni og þjónustar matvöruverslunin nú töluvert svæði um landið, meðal annars á Norðurlandi eystra, Austfjörðum, Suðurlandi, Suðurnesjum og nú Vesturlandi. Guðrún Aðalsteinsdóttir, framkvæmdastjóri Krónunnar segir ánægjulegt að geta kynnt þjónustuna víðar en á höfuðborgarsvæðinu og að þetta gjörbreyti leiknum fyrir landsbyggðina.

Snjallverslun Krónunnar mætt á Akranes