Um liðna helgi var íbúaþing haldið á Reykhólum. Það var upphaf þátttöku Reykhólahrepps í verkefninu Brothættar byggðir, sem er leitt af Byggðastofnun en Vestfjarðastofa er einnig þátttakandi. Verkefnisstjóri er Embla Dögg Bachmann á Reykhólum og stjórn verkefnisins skipa fulltrúar Byggðastofnunar; Helga Harðardóttir og Kristján Þ. Halldórsson, frá Vestfjarðastofu Aðalsteinn Óskarsson, fulltrúi sveitarstjórnar Reykhólahrepps er Hrefna Jónsdóttir og fulltrúar íbúa Guðlaug G. I. Bergsveinsdóttir og Vésteinn Tryggvason.