medium

thumbnail

small

custom-size

Eldgos hafið skammt frá Grindavík

large

1536x1536

2048x2048

Silfur var þemað í kvennatölti Borgfirðings

Ferðaþjónusta í vexti

Bærinn í Sveinatungu er elsta steinsteypta hús í sveit

Samfélagsmiðlum og streymisveitum innheimti virðisaukaskatt – ella verði lokað

Skallagrímur sigraði Hamar í Mjólkurbikar karla

core/paragraph

Lokaumferðin í Lengjubikarnum í B deild karla í knattspyrnu fór fram um helgina. Í riðli 3 tók Kári á móti liði Sindra og var viðureignin í Akraneshöllinni. Fyrir leik höfðu Káramenn tryggt sér sæti í undanúrslitum á meðan Sindri var með þrjú stig eftir fjóra leiki.

Gestirnir komust yfir á 9. mínútu með marki frá Kjartani Jóhanni Einarssyni en tíu mínútum fyrir hálfleik jafnaði Sigurður Hrannar Þorsteinsson metin fyrir Kára og staðan 1-1 þegar liðin fengu sér hressingu. Matthías Daði kom heimamönnum yfir á 49. mínútu með glæsilegu marki en tæpum tíu mínútum síðar var Sigurður Hrannar rekinn af velli og Kári einum færri. Skömmu síðar gerði Kári fimmfalda skiptingu og það hleypti lífi í leik þeirra því á 70. mínútu skoraði varamaðurinn Mikael Hrafn Helgason fyrir þá og staðan 3-1. Sindramenn hleyptu svo spennu í leikinn á 82. mínútu þegar Abdul Bangura skoraði úr vítaspyrnu en Kári hélt þetta út og fagnaði sigri áður en Óðinn Pálmason leikmaður Sindra fékk rauða spjaldið í uppbótartíma, lokatölur 3-2 Kára í vil.

Undanúrslitin í Lengjubikarnum fara fram laugardaginn 12. apríl en í millitíðinni spilar Kári við KFS í 1. umferð í Mjólkurbikarnum. Leikurinn verður næsta laugardag í Akraneshöllinni og hefst klukkan 14.

Víkingur lauk leik með sigri

Víkingur Ólafsvík og Augnablik áttust við á laugardaginn í riðli 2 og var spilað á Ólafsvíkurvelli. Víkingur vann sinn fyrsta sigur í riðlinum í síðustu umferð gegn Árborg en Augnablik var með sjö stig eftir fjórar umferðir.

Markalaust var eftir fyrri hálfleik en eina mark leiksins kom á 53. mínútu þegar Luis Romero Jorge skoraði fyrir Víking. Lokatölur 1-0 og Víkingur endaði í 4.-5. sæti af sex liðum ásamt Árborg með sex stig. Næsti leikur Víkings er á móti annað hvort liði Smára eða Fálka í 2. umferð Mjólkurbikarsins laugardaginn 5. apríl á Ólafsvíkurvelli.

Fréttaveita Vesturlands

Kári og Víkingur með nauma sigra í Lengjubikarnum