medium

thumbnail

small

custom-size

Slökktu gróðureld við Selgil í Húsafelli

large

1536x1536

Tæki flutt úr kjallara upp í hlöðu Halldórsfjóss

Bjóða Árblik í Dölum til sölu

Ísak Birkir í landsliðshópnum í keilu

Húsaflutningar úr Reykjavík til Sykkishólms

Grænlenskur karlakór, Söngbræður og Smaladrengir með tónleika í kvöld

core/paragraph

Aðalfundur Ferðafélags Borgarfjarðarhéraðs, sá fjórði frá upphafi, var haldinn á Hótel Vesturlandi í gær. Þar var farið fyrir þau verkefni sem hafa verið í gangi á vegum félagins. Þar ber hæst fjölbreyttar gönguferðir sem félagið stendur fyrir í hverjum mánuði. Þá vinnur félagið að uppbyggingu gönguleiða og í sumar er vonast til að ljúka tveimur stærstu verkefnunum, þ.e. Hafnarfjalli þar sem eftir er að koma fyrir útsýnissskífu sem er verið að ljúka smíði á. Einnig er eftir að merkja sérstaklega hina sjö tinda Hafnarfjalls. Hitt stóra verkefnið er Vatnaleið en þar er eftir að koma fyrir vegprestum sem vísa á þekkt fjöll og hliðum með nafni leiðarinnar sem verða á upphafs- og endastað leiðarinnar.

Á fundinum kynnti Ragnar Frank Kristjánsson landslagsarkitekt hönnun nýrrar gönguleiðar sem gengur undir vinnuheitinu „Borgarfjarðarbraut“. Hugmynd að þessari leið kom upp innan félagsins fyrir fáum misserum en hún á að ná frá Hvalfjarðarbotni að Húsafelli og þvera Borgarfjarðardali. Lagt er upp með að þetta sé fimm daga leið og að hún nýti innviði sem fyrir eru svo sem gistingu og greiðasölu. &nbsp;Stjórn FFB réði Ragnar Frank til að hanna leiðina á síðasta ári og skilaði hann á fundinum inn vandaðri og spennandi tillögu að legu leiðarinnar. Næsta skref er að fara í viðræður við landeigendur þar sem leiðin mun liggja um og hefur Ragnar tekið það verkefni að sér. „Vonandi verður svo í framhaldinu hægt að huga að framkvæmdum, svo sem stikun leiðarinnar, brúargerð og fleiru,“ segir í fundargerð.

Á aðalfundinn mættu einnig fulltrúar frá hlaupahópnum Flandra og kynntu nýtt utanvegahlaup, Hafnarfjall Ultra sem haldið verður 28. júní í sumar en þar verða í boði fjórar hlaupaleiðir um Hafnarfjall og nágrenni. Frá hugmyndum um hlaupið hefur verið sagt í Skessuhorni.

Stjórn FFB var endurkjörin á fundinum, en hana skipa: Gísli Einarsson forseti, Sigurður Magnússon varaforseti, Gíslína Jensdóttir ritari, Guðrún Ólafsdóttir gjaldkeri, Jón Heiðarsson meðstjórnandi, María Jónsdóttir varamaður og Jakob Guðmundsson varamaður.

Fréttaveita Vesturlands

Ný gönguleið um Borgarfjarðardali kynnt á aðalfundi FFB