medium

large

thumbnail

1536x1536

small

custom-size

Púlsinn tekin á nokkrum ferðaþjónustufyrirtækjum á Vesturlandi

2048x2048

Tveir styrkir úr Framkvæmdasjóði ferðamannastaða – leiðrétt frétt

Fara í Míluna á hverjum degi

Héldu allsherjar brunaæfingu í FVA

Fyrsta skemmtiferðaskipið væntanlegt á mánudaginn

Helena ráðin íþrótta- og tómstundafulltrúi Grundarfjarðarbæjar

core/heading

<h2>Formaður Notendaráðs átelur bæjarráð fyrir afstöðu sína</h2>

core/paragraph

Bæjarráð Akraneskaupstaðar telur ekki þörf á stjórnsýslurannsókn vegna byggingar íbúðakjarna fyrir fólk með fötlun við Skógarlund 42 á Akranesi. Þetta ákvað ráðið á fundi sínum á fimmtudaginn í síðustu viku. Það var Notendaráð um málefni fatlaðs fólks á Akranesi sem lagði til við bæjarstjórn að ráðist yrði í slíka rannsókn eftir að framkvæmdir við húsið stöðvuðust í vetur og það lá um tíma undir skemmdum. Akraneskaupstaður og Húsnæðis- og mannvirkjastofnun hafa samanlagt lagt um 120 milljónir króna til Brúar hses sem stendur að byggingu íbúðakjarnans og var ætlaður fötluðu fólki til búsetu. Framkvæmdir við húsið stöðvuðust í vetur og lá það um tíma undir skemmdum eftir að þakpappi fauk af í byrjun febrúar. Meðfylgjandi mynd var tekin 21. febrúar síðastliðinn en nú hefur verktaki verið ráðinn til að loka þakinu þannig að frekari skemmdir verði ekki á hálfbyggðu húsinu. Í bókun bæjarráðs kemur fram að ráðið telji, eins og sakir standa; „ekki þörf á sérstakri stjórnsýslurannsókn, enda til staðar eftirlitsheimildir samkvæmt lögum nr. 52/2016 um almennar íbúðir sem eru til ítarlegrar skoðunar hjá HMS og Akraneskaupstað,“ eins og segir í samþykkt ráðsins.

Ekki opna fleiri rannsóknir að sinni Haraldur Benediktsson bæjarstjóri segir að, líkt og fram kemur í bókun bæjarráðs, að þá hafa málefni „hses“ félaga (húsnæðis- og sjálfseignarstofnana), sem Akraneskaupstaður og HMS hafa lagt stofnframlög til á Akranesi, verið til ítarlegrar skoðunar. „Sú skoðun stendur enn yfir og áður en henni lýkur telur bæjarráð ekki tilefni til að ganga í það að opna fleiri rannsóknir. Auðvitað er enginn að útiloka að slík ítarleg úttekt fari fram síðar, en þá þarf líka að undirbúa hver framkvæmir þá úttekt. Bæjarráð telur á þessu stigi að sú vinna sem þegar er í gangi svari, í það minnsta að einhverju leyti, beiðni Notendaráðs þó hún heiti ekki stjórnsýsluúttekt. Enda vinna þessi tvö ráð, bæjarráð og Notendaráð, að því sameiginlega markmiði að fjölga búsetukostum fyrir fatlað fólk á Akranesi,“ segir Haraldur í samtali við Skessuhorn. „Eins og fram kemur í bókun bæjarráðs hefur sveitarfélagið eftirlitsheimild samkvæmt lögum nr. 52/2016. Það er eitt af þeim atriðum sem til skoðunar eru í samtölum milli Akraneskaupstaðar og HMS, hvernig beri að standa að slíku eftirliti. Akraneskaupstaður hefur sannarlega reynt að rækja það eftirlit en oft hefur það reynst torvelt þar sem m.a. hefur margítrekað þurft að ganga á eftir nauðsynlegum gögnum, sem hafa svo jafnvel aldrei skilað sér. Það er mjög margt í framkvæmd löggjafar um almennar íbúðir og „hses“ félög sem Akraneskaupstaður setur spurningar við, sérstaklega eftir reynslu af slíkum málum undanfarin misseri. Til dæmis hefur bæjarráð gert alvarlegar athugasemdir við grundvöll útreikninga á endanlegu leiguverði og ógagnsæi í samsetningu þess kostnaðar sem lagður er þar til grundvallar,“ segir Haraldur.

Vill að spilin verði lögð á borðið Halldór Jónsson, formaður Notendaráðs um málefni fatlaðs fólks á Akranesi, segir samþykkt bæjarráðs mikil vonbrigði en bætir við að hún komi honum ekki alveg á óvart. „Bæjarfulltrúar hafa sjálfir haft uppi stór orð um hvernig staðið var að framkvæmdum við þessa umræddu byggingu. Jafnframt hefur forsvarsmaður Brúar sagt farir sínar ekki sléttar vegna vinnubragða embættismanna og kjörinna fulltrúa, en þau skrif hans birtast á vefnum byggingar.is. Í því ljósi og vegna þess mikla tjóns sem blasir við, auk óvissu um búsetu þeirra er þarna áttu að fá búsetu, þótti Notendaráðinu nauðsynlegt að ráðast í umrædda rannsókn. Eftirlitsheimildirnar sem bæjarráðið vísar til voru bara ekki nýttar þegar þess var þörf, því miður. Í stað þess að leggja öll spilin á borðið vill bæjarráð áfram pukrast með málið,“ segir Halldór Jónsson. „Það fer hins vegar aldrei vel á því, eins og í þessu tilfelli, að fólk sé að rannsaka sín eigin störf og stjórnsýslu,“ bætir hann við.

Bæjarráð hafnar beiðni um stjórnsýslurannsókn