medium

thumbnail

small

custom-size

Nýir upplýsingaskjáir í Íþróttamiðstöðinni komnir upp

large

Dagbók úr Baltimore sveit

1536x1536

Mikið fjör á öldungamóti í blaki

2048x2048

Margrét Halldóra ráðin nýr leikskólastjóri á Klettaborg

„Alls enginn skrekkur í okkur“

Lækka hámarkshraða enn frekar

core/paragraph

Snæfell tók á móti Breiðabliki í næstsíðustu umferð 1. deildar karla í körfubolta á föstudaginn. Fyrir leikinn voru liðin jöfn með 16 stig hvort, í 7.-8. sæti deildarinnar og því mikilvægur leikur um hvar liðin enda fyrir úrslitakeppnina.

Bæði lið mættu áræðin en á sama tíma yfirveguð til leiks og skiptust á forystu í upphafi. Snæfell jafnaði metin í 17-17 þegar um fjórar mínútur voru eftir af fyrsta leikhluta en þá fékk leikmaður Snæfells, Juan Navarro, brottrekstrarvillu og þurfti að yfirgefa leikvöllinn. Eftir þetta atvik virtust leikmenn Snæfells brotnir og gengu gestirnir úr Kópavogi á lagið, undir handleiðslu Marínó Þórs Pálmasonar. Staðan eftir fyrsta leikhluta 19-28 fyrir Breiðablik.

Heimamenn komu grimmir út í annan leikhluta og náðu þeir Matt Treacy og Khalyl Waters, leikmenn Snæfells, að taka af skarið og hófu heimamenn að saxa á forskot gestanna. Sturla Böðvarsson kom sterkur inn í fjarveru Juan Navarro en gestirnir náðu að halda forystu sinni út hálfleikinn og fóru með 39-48 forystu inn í hálfleik.

Snæfell hóf seinni hálfleikinn af krafti og náði strax góðum áhlaupum sem gerði það að verkum að þjálfari Breiðabliks þurfti að taka leikhlé. Mikil stemning var í áhorfendastúkunni og náðu heimamenn að minnka muninn í 61-62 þegar lítið var eftir af þriðja leikhluta. Aftur steig Marínó Þór upp fyrir Breiðablik en hann setti niður mikilvægar körfur fyrir gestina og leiddu þeir, 68-70 fyrir síðasta leikhlutann.

Matt Treacy skoraði fyrstu fimm stig leikhlutans og kom heimamönnum yfir. Liðin skiptust á að skora og tóku við æsispennandi lokamínútur. Logi Guðmundsson skoraði fyrir Breiðablik og kom gestunum yfir, 90-92, þegar aðeins um 6 sekúndur voru til leiksloka. Snæfell tók leikhlé og fór yfir stöðuna. Matt Treacy fékk svo boltann og átti erfitt stökkskot sem endaði í körfunni, um leið og flautan gall og því þurfti að framlengja leikinn.

Gestirnir náðu að skora fyrstu fimm stig framlengingarinnar og virtist sem allt þol væri farið úr heimamönnum. En heimamenn ákváðu að fara að pressa á lið Breiðabliks og Matt Treacy náði að minnka muninn í 100-101 þegar 48 sekúndur var eftir af leiknum. Logi Guðmundsson kom gestunum í 100-102 þegar 27 sekúndur voru eftir af leiknum. Snæfell fékk þrjár tilraunir til að jafna metin en náði ekki að skora og Breiðablik fór með sigur af hólmi, 100-102.

Matt Treacy skoraði 41 stig fyrir Snæfell, Khalyl Waters skoraði 28 stig og Alejandro Rubiera skoraði 18 stig.

Marínó Þór Pálmason skoraði 30 stig fyrir Breiðablik og Logi Guðmundsson 26 stig.

Næsti leikur Snæfells er í kvöld gegn Hamri í Hveragerði klukkan 19:15.

Fréttaveita Vesturlands

Snæfell tapaði í framlengdum leik