medium

large

thumbnail

1536x1536

2048x2048

small

custom-size

Sóttu í nótt vélarvana bát

Sundlaugin lokuð í þrjá daga vegna undirbúnings nýrra potta

Skúrinn trésmíðaverkstæði settur upp á Breið

Kostuleg klassík með Sinfóníuhljómsveit Westmont-háskóla

„Langar ekki til að taka þátt í þessari tilraun“

Sjósettu Elluna í blíðskaparveðri í gærmorgun

core/paragraph

Skallgrímur tók á móti Hamri frá Hveragerði í næstsíðustu umferð 1. deildar karla í körfuknattleik á föstudaginn. Skallagrímur sat fyrir leikinn á botni 1. deildar með 10 stig á meðan lið Hamars var í þriðja sæti með 28 stig. Heimamenn byrjuðu leikinn vel og var mikil stemning í varnarleik þeirra á upphafsmínútunum. Í stöðunni 8-8 fóru hins vegar að opnast glufur í varnarleik heimamanna sem gestirnir úr Hveragerði nýttu sér og náðu þeir forystu eftir fyrsta leikhluta, 16-21. Allt annað Skallagrímslið mætti til leiks í öðrum leikhluta og voru heimamenn snögglega komnir yfir, 28-27. Barátta Sævars Pálmasonar í fráköstum ásamt því að Magnús Engill, Hilmir Hallgrímsson og Luke Moyer hittu vel úr sínum skotum, skilaði heimamönnum 18-9 áhlaupi og fóru því inn í hálfleik með góða forystu, 46-36. Gestirnir úr Hveragerði mættu með stífari varnarleik í seinni hálfleik og náðu fljótlega að minnka munin í fimm stig, 51-46. En aftur kviknaði á heimamönnum og fór af stað frábært 21-7 áhlaup sem gerði út um leikinn. Staðan fyrir lokaleikhlutann var 72-53. Gestirnir voru aldrei líklegir til að valda einhverjum usla í lokaleikhlutanum, heimamenn í Skallagrími gátu hvílt lykil leikmenn og efnilegir leikmenn beggja liða spiluðu síðustu mínútur leiksins. Skallagrímur vann frábæran sigur í Borgarnesi, 94-79. Með sigrinum náði Skallagrímur að komast upp úr fallsæti og er nú í 11. sæti með 12 stig. Luke Moyer skoraði 34 stig fyrir Skallagrím og Jermaine Hamlin skoraði 18 stig. Hjá gestunum var það Jaeden King sem skoraði 25 stig fyrir Hamar og Fotis Lampropoulos skoraði 17 stig. Skallagrímur leikur sinn síðasta leik á tímabilinu í kvöld í Dalhúsum í Grafarvogi gegn Fjölni og hefst leikurinn klukkan 19:15.

Skallagrímur með mikilvægan sigur í fallbaráttunni