medium

large

thumbnail

small

custom-size

ÍA tekur við deildarmeistara bikarnum í kvöld

Árni Marinó framlengir við ÍA

1536x1536

2048x2048

Heilt þorp á ferðinni

Skóflustunga að nýju fjölnota íþróttahúsi tekin í næstu viku

Grunnskóli Grundarfjarðar setur upp leiksýningu

Stórátak í jarðhitaleit á köldum svæðum

core/heading

<h2>Spjallað við Ingibjörgu Jóhannsdóttur og Jóhönnu Sigrúnu Árnadóttur um Dalamannabrölt</h2>

core/paragraph

Dalamannabrölt, gönguhópur Dalamanna, var stofnaður fyrir nokkrum árum síðan en aðallega eru það íbúar og þeim tengdir sem eru virkir í hópnum. Nýverið fékk verkefnið Göngustígar, merkingar og áningarstaðir styrk frá DalaAuði og langaði blaðamanni Skessuhorns að forvitnast um verkefnið hjá þeim Ingibjörgu og Jóhönnu.

Dalamannabrölt er áhugamannahópur göngufólks og er hann nokkuð stór. „Fólk er auðvitað misvirkt innan hópsins en það er þó alltaf einhver kjarni sem er duglegur að ganga. Það er svo nokkuð stór hópur áhugasamra einstaklinga sem kemur að því að stika gönguleiðir, sem tilheyrir Dalamannabröltinu. Við erum alltaf til í að fá fleiri sjálfboðaliða með okkur ef einhverjir vilja vera með, en við höfum lagt áherslu á að ganga mikið í Dölunum,“ segir Ingibjörg og Jóhanna bætir við: „Þessi hópur varð til þess að fólk fór að ganga víðar í Dölunum saman. Það myndaðist stemning fyrir því og upp úr þessum hópi spratt sú hugmynd að það væri gaman að hafa fleiri merktar leiðir og við fórum af stað að sækja um styrk fyrir því,“ segir Jóhanna.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Fleiri-merktar-gonguleidir-i-Dolum_2-1200x899.jpg" alt="" class="wp-image-89157" /><figcaption>Sjálfboðaliðarnir Hugrún Reynisdóttir, Guðmundur Gunnarsson og Ingibjörg Jóhannsdóttir að vinna í að stika gönguleið í Svínadal haustið 2024. Nokkrir sjálfboðaliðar gengu með bakpoka og einn til viðbótar var að ferja stikurnar á fjórhjóli, á Hafratind á Svínadal. Ljósm. kgó.</figcaption></figure>

Samstarf við landeigendur

Fjölbreyttar gönguleiðir er víða að finna í Dölunum en eru einhverjar sem þeim finnst meira spennandi en aðrar? „Í raun ekki en við erum alltaf að spá í skemmtilegum leiðum sem gaman væri að merkja. Það eru margar leiðir t.d. bæði inn og út úr héraðinu sem tengja okkur við næstu héruð sem gaman væri að skoða í framtíðinni. Svo eru fjölmargir tindar sem gaman væri að kortleggja og merkja leiðir að, t.d. Hafratindur, Skeggöxl, Tröllakirkja og margt, margt fleira,“ nefnir Jóhanna. Þær segja að það kalli alltaf á samstarf við landeigendur því það verður að fá leyfi ef það á að vísa fólki einhverja leið, sérstaklega ef ekki er hefð fyrir henni. „Maður fer ekki í svona verkefni nema í sátt og samlyndi við alla hlutaðeigandi aðila og yfirleitt eru margir landeigendur ef um er að ræða lengri gönguleiðir. Við fögnum öllum landeigendum sem vilja skoða að gera góðar gönguleiðir aðgengilegri, við erum til í að skoða alls kyns verkefni. En svo er auðvitað líka gott að vera með styttri leiðir og auðveldar sem eru aðgengilegar öllum. Eða leiðir sem vísa á falleg náttúrufyrirbæri, en eru ekki langar. Þá ertu komin með skemmtilega afþreyingu fyrir gesti sem koma og íbúa líka. Þannig að þetta er gott í bland,“ segir Ingibjörg.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Fleiri-merktar-gonguleidir-i-Dolum_3-1200x560.jpg" alt="" class="wp-image-89158" /><figcaption>Horft niður í Ránargil í Sælingsdal. Ljósm. ij.</figcaption></figure>

Útivistarmöguleikar úti um allt

Ingibjörg og Jóhanna segja að vinna hópsins haldi áfram og að hópurinn sé opinn fyrir fleiri leiðum. „Við ætlum að halda áfram endurstikun á Laugum, í samvinnu við staðarhaldara. Það eru margar gönguleiðir þar í kring og við stikuðum leiðina inn að Ránargili í fyrra. Okkur langar að stika fleiri leiðir þar í kring og setja upp merkingar, jafnvel áningarbekki,“ segir Ingibjörg. „Auk þess erum við að vinna í nýrri gönguleið í Laugardal sem er inn af Hörðudal. Sú leið verður stikuð í samstarfi við Dalahyttur, sem er ferðaþjónustufyrirtæki. Svo erum við opin fyrir fleiri leiðum í Dölum og auglýsum eftir að áhugasamir landeigendur hafi samband.&nbsp; Þær eru óteljandi leiðirnar sem hægt væri að merkja í Dölunum því hér eru útivistarmöguleikar úti um allt. Við erum ekki búin að setja okkur takmark um fjölda leiða en draumurinn er að merkja a.m.k. eina leið á hverju ári næstu árin,“ segir Jóhanna.

Þær stöllur sjá fyrir sér að upplýsingar um gönguleiðirnar verði aðgengilegar á vefnum eða verða búið til kort á hverjum stað. „Þetta er ungt verkefni og við rétt að byrja en við sjáum fyrir okkur að a.m.k. að hnitsetja allar leiðir og hafa þær aðgengilegar á netinu. Draumurinn er að leiðirnar verði líka merktar á staðnum, þ.e. nafn svæðisins og hversu löng leiðin er,“ segir Ingibjörg að lokum.

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/03/Fleiri-merktar-gonguleidir-i-Dolum_4-1200x560.jpg" alt="" class="wp-image-89159" /><figcaption>Ganga frá Sælingsdal upp að Hafratindi sumarið 2024 en þarna er horft yfir að Hrossaborg og niður í Sælingsdal. Ljósm. ij.</figcaption></figure>

Fréttaveita Vesturlands

Fleiri merktar gönguleiðir í Dölum