medium

large

thumbnail

1536x1536

2048x2048

small

custom-size

Heilt þorp á ferðinni

Tvær brýr í útboð

Optical Studio bauð upp á sjónmælingar í Grundarfirði

ÍA tekur við deildarmeistara bikarnum í kvöld

Árni Marinó framlengir við ÍA

Skóflustunga að nýju fjölnota íþróttahúsi tekin í næstu viku

core/paragraph

Fram kemur í dagbók Lögreglunnar á Vesturlandi að nokkur umferðaróhöpp urðu í liðinni viku. Ökumaður missti stjórn á bifreið sinni á Klofningsvegi í Dölum með þeim afleiðingum að bifreiðin hafnaði utan vegar og valt en á vettvangi var krap á veginum og aðstæður til aksturs slæmar. Ökumaður taldi sig óslasaðan en fór til skoðunar á Heilsugæsluna í Búðardal.

Tvær bifreiðar höfnuðu utan vegar á Akrafjallsvegi í kjölfar þess að ökumaður annarrar bifreiðarinnar missti stjórn á bifreiðinni í hálku og slabbi með þeim afleiðingum að bifreiðin rakst utan í bifreið sem kom úr gagnstæðri átt og enduðu báðar bifreiðar utan við veginn. Ekki urðu slys á fólki en bifreiðarnar skemmdust.

Þá hafnaði bifreið utan vegar og valt við Hótel Búðir á Snæfellsnesi, erlendir ferðamenn voru í bifreiðinni og sakaði ekki. Ökumaður missti stjórn á bifreið sinni í hálku og snjó á Snæfellsnesvegi með þeim afleiðingum að bifreiðin hafnaði utan vegar og valt. Ökumaður fann til eymsla eftir óhappið og leitaði aðstoðar á heilsugæslu.

Að lokum varð árekstur á milli slökkvibifreiðar í forgangsakstri og fólksbifreiðar norðan Borgarness en engin slys urðu á fólki.

Fréttaveita Vesturlands

Nokkuð um umferðaróhöpp samkvæmt dagbók lögreglu