Vikuna 23.-30. mars næstkomandi verður Kirkjulistavika í Garða- og Saurbæjarprestakalli haldin í samstarfi við Kalman – listafélag á Akranesi og fleiri. Umsjón með Kirkjulistaviku er í höndum Hilmars Arnar Agnarssonar organista Akraneskirkju. Boðið verður upp á fjölbreytta tónlistardagskrá síðustu dagana í mars. Þar verður ýmist form af messum, sýning á Passíusálmum Hallgríms Péturssonar, tónleikar, ljósmyndasýning og sálmasöngskvöld svo eitthvað sé nefnt.