medium

large

thumbnail

1536x1536

2048x2048

small

custom-size

Sæmundur gefur Fornbílafjelaginu húseign sína

Bílaverkstæði Badda flytur sig um set í sumar

Úthlutað úr Húsafriðunarsjóði – 17 styrkir á Vesturland

Lagt til að skagalif.is verði lokað

Maðurinn á batavegi

SSV fær styrk til tveggja byggðaverkefna í Dalabyggð

core/paragraph

Á fundi skipulags- og umhverfisnefndar Grundarfjarðarbæjar síðasta miðvikudag var lagt fram erindi Skíðadeildar UMFG. Þar kemur fram að skíðadeildin hyggst fjarlægja núverandi aðstöðuhús og byggja nýtt og stærra aðstöðuhús á sama stað. Með erindinu fylgdi uppdráttur að húsinu og önnur gögn.

Um er að ræða stálgrindarhús klætt með yleiningum. Reynt verður að láta húsið falla sem best inn í landslagið og kostur er, segir í erindinu, og að vonast sé til að framkvæmdir hefjist í vor. Fulltrúar skíðadeildarinnar og bæjarins höfðu skoðað svæðið í sameiningu á fyrri hluta árs 2024 og rætt nokkrar hugsanlegar staðsetningar. Í erindinu er óskað eftir að byggingin verði tekin til umsagnar hjá Grundarfjarðarbæ til að flýta fyrir ferlinu. Samkvæmt upplýsingum er gerð aðaluppdrátta fyrir nýja aðstöðuhúsið langt komin og verða þeir sendir síðar. Erindið var lagt fram sem fyrirspurn og fram kemur í fundargerð að svæðið sé ekki deiliskipulagt og ekki er skipulögð lóð undir mannvirki á svæðinu.

„Grundarfjarðarlína 2, sem liggur í jörðu, er í námunda við fyrirhugað framkvæmdasvæði og þarf því að huga vel að staðsetningu, sbr. deiliskipulag aðveitustöðvar og Grundarfjarðarlínu 2 að hluta, frá 2015. Spurt var um hugsanlega vegagerð vegna byggingar.“ Skipulags- og umhverfisnefnd fól skipulagsfulltrúa að ræða við forsvarsmenn skíðadeildarinnar um málið.

Skíðadeild UMFG hyggst byggja nýtt aðstöðuhús