Nú rétt í þessu náðist fyrri bíllinn af tveimur upp sem fóru í Akraneshöfn á mánudagsmorgun. Undirbúningur hefur verið í gangi í dag. Kafari var búinn að koma böndum á bílinn og hífði upp silfurgráan Toyota Land cruiser jeppa. Síðari bíllinn, sem er jepplingur, verður svo í beinu framhaldi tekinn upp með sama hætti. Björgunarfélag Akraness og Sjótækni hafa komið að verkefninu í dag en krani frá Skóflunni náði bílnum á land.