medium

large

thumbnail

1536x1536

2048x2048

small

custom-size

Frábær sigur hjá UMFG

Loftlínum fækkað í Reykhólahreppi

Tíundi sigur Skagamanna í röð

Ísland fer á Evrópumótið í körfubolta í haust

Sindri Karl setti nýtt met

Formgalli og mælimastur auglýst að nýju

core/paragraph

Önnur umferðin í Lengjubikarnum í B deild karla í knattspyrnu fór fram um helgina og voru Vesturlandsliðin Kári og Víkingur Ólafsvík bæði að spila. ÍH og Kári mættust í riðli 3 á föstudagskvöldið og var leikurinn í Skessunni í Hafnarfirði. Ein deild er á milli þessara liða á Íslandsmótinu í sumar, Kári spilar í 2. deild og lið ÍH í þeirri þriðju.

Káramenn tóku strax völdin í leiknum og á 7. mínútu skoraði Finnbogi Laxdal Aðalgeirsson fyrsta mark leiksins. Jónas Pétur Gunnlaugsson leikmaður ÍH varð svo fyrir því óláni að skora sjálfsmark á 25. mínútu og tíu mínútum síðar bætti Marinó Hilmar Ásgeirsson við þriðja marki Kára, staðan 0-3 í hálfleik.

Fyrirliðinn Sigurjón Logi Bergþórsson skoraði fjórða mark Kára í byrjun seinni hálfleiks og á sjö mínútna kafla seint í leiknum skoruðu gestirnir þrjú mörk. Fyrst skoraði Kolbeinn Tumi Sveinsson á 72. mínútu, síðan Marinó Hilmar annað mark sitt þremur mínútum síðar og Hektor Bergmann Garðarsson innsiglaði stórsigur Kára með marki á 79. mínútu, lokatölur 0-7.

Næsti leikur Kára í riðlinum verður föstudaginn 7. mars þegar þeir taka á móti Gróttu í Akraneshöllinni og hefjast leikar klukkan 20.

Víðir og Víkingur sem spila bæði í 2. deild í sumar áttust við í gær í riðli 2 og var spilað á gervigrasinu bak við Nettóhöllina í Reykjanesbæ. Ólsarar máttu þola skell gegn Ými í fyrsta leik á meðan Víðir vann góðan útisigur á móti Árborg.

Hið unga lið Víkings, með enga erlenda leikmenn innan borðs eins og í síðasta leik, spilaði frá byrjun þéttan og agaðan varnarleik og leikmenn Víðis komust lítt áleiðis. Markalaust var í hálfleik en eina mark leiksins kom á 69. mínútu þegar Markús Máni Jónsson skoraði fyrir Víði. Lokatölur 1-0 og mikil framför hjá Víkingi frá síðasta leik þó ekki næðu þeir í stig.

Næsti leikur Víkings í Lengjubikarnum er á móti Ægi næsta laugardag á Ólafsvíkurvelli og hefst klukkan 14.

Fréttaveita Vesturlands

Stórsigur hjá Kára en naumt tap Víkings