medium

large

thumbnail

1536x1536

small

custom-size

Laxveiðar ríflega helmingur tekna af landbúnaði í Borgarfirði

2048x2048

Undirbúningur Hinseginhátíðar og Brákarhátíðar í fullum gangi

Forsetahjónin unnu hug og hjörtu keppenda Norðurálsmótsins

Keppni fór vel af stað á Norðurálsmótinu

Skallastrákar í æfingabúðum í Króatíu

Svanga-Saga gladdi íbúa á Brákarhlíð

core/paragraph

Níutíu manns útskrifuðust úr námi við Háskólann á Bifröst við hátíðlega athöfn laugardaginn 15. febrúar síðastliðinn. Sjálf útskriftin fór fram í Hjálmakletti í Borgarnesi. Úr grunnnámi brautskráðist 41 nemandi, 49 úr meistaranámi og 18 nemendur úr háskólagátt sem er grunnnám að háskólastigi. Nítján nemendur brautskráðust úr félagsvísindadeild, tíu úr lagadeild og 51 úr viðskiptadeild og voru konur í meirihluta þeirra sem brautskráðust úr námi að þessu sinni.

Að vanda voru verðlaun veitt fyrir framúrskarandi námsárangur. Hvatningarverðlaun hlutu Daniela Katarzyna Zbikowska, Samúel Óskar Juliusson Ajayi og Harpa Louise Guðjónsdóttir. Útskriftarverðlaunin hlutu Ásdís Inga Haraldsdóttir, Rósa Dögg Ómarsdóttir, Brynjar Örn Sigurðsson, Dagný Björt Jakobsdóttir, Viðar Helgi Guðjohnsen og Bryndís Jóna Magnúsdóttir.

Fjarnámsháskóli

Í ávarpi sínu hrósaði Margrét Jónsdóttir Njarðvík rektor útskrifuðum fyrir þann glæsilega árangur sem hvert og eitt þeirra hafði náð. Hvatti hún til frekari dáða, bað útskriftarnema um að nema ekki staðar heldur halda áfram að byggja sig upp og nema nýjar lendur í lífi sínu. Í ávarpinu vakti Margrét einnig máls á þeirri upplýsingaóreiðu sem einkennir samtíma okkar þar sem hún talaði um þá siðferðislegu ábyrgð sem háskólar hafa til að miðla réttum upplýsingum. Hún talaði einnig um jafnrétti til náms, sem er fjórða heimsmarkmið Sameinuðu þjóðanna, og hversu vel fjarnám eins og Háskólinn á Bifröst býður uppá styður við það markmið. Í því samhengi talaði hún um þær breytingar sem hafa orðið á skólanum á síðasta ári. Umsóknir hafa margfaldast á milli ára, sem er afar jákvætt fyrir stöðu fjarnáms á háskólastigi og því aukna jafnrétti til náms sem efling fjarnámsháskóla felur í sér.

Fréttaveita Vesturlands

Útskrift frá Háskólanum á Bifröst