medium

large

thumbnail

small

custom-size

Falleg kvöldstund fyrir Orra og dætur

1536x1536

2048x2048

Mokafli báta sem róa á Breiðafirði – myndasyrpa

Jens Garðar býður sig fram í varaformann Sjálfstæðisflokksins

Útskrift frá Háskólanum á Bifröst

Háskóladagurinn verður laugardaginn 1. mars

Líf og fjör í Grundarfjarðarhöfn

core/paragraph

Haukar og ÍA áttust við í B deild kvenna í Lengjubikarnum í gærkvöldi og var viðureignin í nýju glæsilegu knatthúsi Hauka á Ásvöllum í Hafnarfirði. Fyrir leik var grasið vökvað í um hálftíma þannig að boltinn rúllaði mjög hratt á vellinum en skoppaði ekki neitt sem var frekar einkennilegt. Þá var að sögn sjónarvotta alltof heitt í húsinu og ennþá smá málningarlykt enda nýbúið að taka það í notkun.

Framherjinn Erna Björt Elíasdóttir hjá ÍA var aldeilis á eldi í fyrri hálfleik því hún skoraði þrennu. Fyrsta markið skoraði hún á 13. mínútu með langskoti fyrir utan vítateiginn og korteri síðar var hún aftur á ferðinni og aftur með skoti fyrir utan teig. Hún fullkomnaði síðan þrennuna á lokamínútunni þegar hún tók flott þríhyrningaspil við Madison Schwartzenberger í teignum og setti knöttinn í markið. Staðan 3-0 fyrir ÍA í hálfleik og allt virtist stefna í stórsigur gestanna miðað við spilamennskuna í fyrri hálfleik.

Selma Dögg Þorsteinsdóttir skoraði fjórða mark ÍA eftir tæpar tuttugu mínútur í seinni hálfleik með skalla eftir hornspyrnu en tveimur mínútum síðar skoraði Halla Þórdís Svansdóttir fyrsta mark Hauka. Erla Karitas Jóhannesdóttir bætti síðan við fimmta marki ÍA á 79. mínútu þegar fyrirgjöf hennar skoppaði beint á fjær og inn í markið. Staðan 1-5 ÍA í vil og þótt heimakonur skoruðu tvö mörk undir lok leiksins var aldrei nein hætta á ferðum og Skagakonur fögnuðu að lokum öruggum sigri, 3-5.

Næsti leikur ÍA er á móti Gróttu næsta föstudag í Akraneshöllinni og hefst klukkan 20.

Fréttaveita Vesturlands

Skagakonur unnu Hauka í markaleik