medium

large

thumbnail

small

custom-size

Áhuginn kemur í bylgjum

1536x1536

2048x2048

Uppfærsla á leikritinu Með allt á hreinu í MB

Þungatakmarkanir á Innnesvegi

Skallagrímur tekur ekki þátt í Lengubikarnum

Erla Hulda hlýtur viðurkenningu Hagþenkis

Bókin Leitin að peningunum komin út

core/paragraph

Opnum dögum í Fjölbrautaskóla Vesturlands á Akranesi er lokið í ár. Að sögn Steinunnar Ingu Óttarsdóttur skólameistara var að þessu sinni í boði á Opnum dögum fjöldi viðburða, fræðsluerinda og heimsókna í skólanum þessa þrjá daga sem þeir fóru fram eða frá mánudegi til miðvikudags. Meðal annars var farið í hesthús, skopp, pílu og á skauta. Nemendur fræddust einnig um Tudor-ættina, hraðtísku og klámvæðingu, spiluðu á spil, prjónuðu, elduðu grænmetisrétt, bjuggu til sápur og maska, smíðuðu fuglahús, kynntust vélarrúmshermi og lærðu að brjóta origami-trönur svo dæmi séu tekin. Allt starfsfólk skólans tók þátt í framkvæmdinni og þær Aldís Ýr Ólafsdóttir og Hildur Karen Aðalsteinsdóttir skipulögðu og héldu utan um dagskrána af miklum skörungsskap.

Steinunn Inga segir að Opnir dagar endi alltaf á árshátíð Nemendafélagsins sem haldin var í gærkvöldi. „Á árshátíðina sem haldin var í golfskálanum á Nítjándu mættu 160 nemendur. Þar var allt upp á tíu, góður matur og fallega skreyttur salur. Öll voru ungmennin prúðbúin og kát og algjörlega til fyrirmyndar. Árshátíðarmyndband kvikmyndaklúbbsins Skutlunnar var síðan sýnt í lokin við góðar undirtektir. Veittar voru ýmsar viðurkenningar, s.s. Fyrirmynd FVA, Íþróttaálfur FVA og Krútt FVA. Veislustjórar voru Guðjón Smári og Jóna Margrét  sem eru þáttastjórnendur á FM957. Af þeim 160 sem komu á ballið voru 94 sem fóru í Edrúpottinn, þ.e. 59% sem telst afar gott. Lögð er áhersla á að nemendur blási í áfengismæli við innganginn og komist þannig í pottinn og eru veitt glæsileg útdráttarverðlaun næsta skóladag. Áslaug Guðmundsdóttir, félagslífsfulltrúi FVA, studdi  dyggilega við stjórn NFFA í skipulagningu og framkvæmd hátíðarinnar og allt fór eins og best var á kosið.“

Steinunn Inga segir að lokum að lögð sé áhersla á að skemmta sér fallega á dansleik í Fjölbraut og hafa gaman saman án vímu og vesens. „Böllin eru nú haldin í húsnæði skólans og alltaf er öflug gæsla á dansleikjunum. Alls stóðu núna ballvaktina fimm starfsmenn skólans auk annarrar gæslu og svo voru fjórir fulltrúar frá Siðbót í dyrunum. Ballið fór mjög vel fram og gleðin var við völd. Færibandið, Jóna Margrét og ClubDub sáu um fjörið og ballgestir skemmtu sér konunglega. Nú er hafið vorfrí í Fjölbraut en kennsla hefst næstkomandi miðvikudag skv. stundaskrá og fjörið heldur bara áfram.“

core/image

Stúlkur að brjóta origami trönur. Origami er japanskt pappírsbrot. Þjóðtrúin segir að trönur sem eru heilagir fuglar í Japan geti lifað í þúsund ár og látið óskir rætast.

Það er alltaf gaman að búa til smákökur og borða þær sem fyrst!

Vísindi og myndlist hjá Angelu Árna.

Nemandi að búa til sápur og maska.

Ekki var hægt að fara á skíði en þá var bara skellt sér á skauta í staðinn.

Frá fyrirlestri um klámvæðingu.

Fréttaveita Vesturlands

Opnir dagar og árshátíð í FVA fóru vel fram – Myndir