medium

large

thumbnail

1536x1536

2048x2048

small

custom-size

Keppt í fjórgangi í Vesturlandsdeildinni

Áhuginn kemur í bylgjum

Uppfærsla á leikritinu Með allt á hreinu í MB

Þungatakmarkanir á Innnesvegi

Skallagrímur tekur ekki þátt í Lengubikarnum

Erla Hulda hlýtur viðurkenningu Hagþenkis

core/paragraph

Eigendur Bara Bistro og leiguaðilar á Grímshúsi í Brákarey festu í gær kaup á annarri eign í Borgarnesi. Sú eign er sambyggð norðan við Bara Bistro og er við Brákarbraut 3. Þar var starfsemi Rauða krossins í Borgarnesi síðast til húsa. „Við vorum bara að skrifa undir kaupsamning en eigum eftir að fá öll leyfi og slíkt en mig dauðlangar að ráðast í framkvæmdir strax,“ segir Hlynur Þór þegar blaðamaður gengur inn í tómt húsnæðið á Brákarbraut 3 til að spjalla við eigendurna.

Þau hjónin Hlynur Þór Ragnarsson og Sóley Ósk Sigurgeirsdóttir hafa þurft að láta fólk bíða eftir borðum inn á veitingastaðnum Bara Bistro og oftar en ekki bent gestum á að taka smá göngutúr um neðri bæinn í Borgarnesi meðan beðið er eftir að borð losni. „Hér erum við þá komin með nokkurskonar setustofu, þar sem gestir geta komist inn úr kuldanum og fengið sér hugsanlega drykk meðan þeir bíða eftir borði,“ segir Sóley Ósk. „Einnig getum við þá hugsanlega bætt við kaffihúsi og verið þá með starfsemi yfir daginn, þá sérstaklega yfir háanna tímann.“

Hugmyndir þeirra hjóna eru að opna á milli húsanna en einnig að getað haft lokað á milli til að hafa þann möguleiki að hópar geti komið saman í öðru hvoru rýminu. „Síðan erum við hér að eignast pláss fyrir undirbúningsvinnu fyrir eldhúsið. Hér getum við verið með kæla, frysta og ýmsan vélbúnað í bakherberginu og betri aðstöðu fyrir starfsfólkið okkar en við munum halda barnum hinum megin ásamt eldhúsi, en hérna í viðbótinni er hugmyndin að sletta smá málningu á veggina, setja upp nokkra milliveggi og gera þetta rými huggulegt,“ nefnir Hlynur. „Það verða ekki miklar breytingar en margir möguleikar,“ bætir hann við. Sóley segir að þeim langi til að hér verði þægilegt andrúmsloft, að gestum geti liðið vel þegar þeir koma inn og panti sér mat og drykk.

Bara Bistro í Borgarnesi stækkað