medium

large

thumbnail

1536x1536

2048x2048

small

custom-size

Forsætisráðherra ætlar að rækta samband sitt við landsmenn

Skagakonur unnu Hauka í markaleik

Fyrsti sigur Skagamanna í Lengjubikarnum

Nóg að gera í viðhaldi vega

Sveitarfélög höfnuðu innanhússtillögu sáttasemjara – allar verkfallsboðanir standa

Bygging íbúðakjarna strand og húsið liggur undir skemmdum

core/paragraph

Fyrsta umferðin í Lengjubikarnum í B deild karla í knattspyrnu hófst um helgina og voru Vesturlandsliðin Kári og Víkingur Ólafsvík í eldlínunni. Næsta sumar spila þau bæði í 2. deild á Íslandsmótinu og þau léku um helgina við lið sem spila í þriðju deild í sumar.

Káramenn tóku á móti Árbæ á föstudagskvöldið í riðli 3 og var viðureignin í Akraneshöllinni. Máni Berg Ellertsson kom Kára yfir strax á 6. mínútu og fjórum mínútum síðar bætti Matthías Daði Gunnarsson við öðru marki fyrir Kára. Eftir rúman hálftíma leik var Finnbogi Laxdal Aðalgeirsson á ferðinni fyrir Kára og staðan 3-0 í hálfleik.

Sveinn Svavar Hallgrímsson skoraði síðan fjórða mark heimamanna í byrjun seinni hálfleiks áður en Jordan Tyler kom Árbæingum á blað á 65. mínútu. Hann var síðan aftur á ferðinni á 84. mínútu þegar hann minnkaði muninn í 4-2 en Matthías Daði átti lokaorðið þegar hann skoraði sitt annað mark og fimmta mark Kára í uppbótartíma, lokatölur 5-2.

Næsti leikur Kára í Lengjubikarnum er næsta föstudag gegn ÍH í Skessunni í Hafnarfirði og hefst klukkan 20.

Slæmt tap hjá ungu liði Víkings

Ýmir og Víkingur áttust við á föstudaginn í riðli 2 og var leikurinn í Kórnum í Kópavogi. Það var frekar fámennur hópurinn hjá Víkingi, aðeins þrír útileikmenn voru á bekknum og engir erlendir leikmenn í hópnum. Meðalaldur byrjunarliðs Víkings í leiknum var 19 ár og lítil leikreynsla í hópnum.

Heimamenn komust yfir strax á fyrstu mínútu með marki frá Gabriel Costa og þeir voru komnir í 5-0 um miðjan hálfleikinn. Arian Ari Morina skoraði sjötta mark Ýmis á 43. mínútu og staðan 6-0 í hálfleik. Leikmenn Víkings náðu að halda hreinu í seinni hálfleik enda fengu allir varamenn Ýmis að spreyta sig í þeim seinni á meðan hinn 15 ára Haukur Smári Ragnarsson var sá eini sem kom inn á af bekknum hjá gestunum. Erfið byrjun í fyrsta leik hjá Víkingi en vonandi að eitthvað af þeim erlendu leikmönnum sem spiluðu á síðasta tímabili fari að tínast vestur á næstu vikum til að styrkja liðið.

Víkingur á næst leik í Lengjubikarnum á laugardaginn þegar þeir mæta Víði í Nettóhöllinni í Reykjanesbæ og hefst hann klukkan 16.

Fréttaveita Vesturlands

Öruggur sigur Kára en stórtap hjá Víkingi