medium

large

thumbnail

1536x1536

2048x2048

small

custom-size

Forsætisráðherra ætlar að rækta samband sitt við landsmenn

Skagakonur unnu Hauka í markaleik

Fyrsti sigur Skagamanna í Lengjubikarnum

Nóg að gera í viðhaldi vega

Sveitarfélög höfnuðu innanhússtillögu sáttasemjara – allar verkfallsboðanir standa

Bygging íbúðakjarna strand og húsið liggur undir skemmdum

core/paragraph

Skallagrímur tók á móti KFG á föstudaginn í 18. umferð fyrstu deildar karla í körfuknattleik. Fyrir leikinn var Skallagrímur í neðsta sæti deildarinnar með 6 stig en KFG í tíunda sæti með 10 stig. Leikurinn hófst með látum, þar sem sóknarleikur var fyrirferðamikill og lítið um varnarleik hjá báðum liðum. KFG var með undirtökin framan af fyrsta leikhluta en heimamenn, sem leiddir voru áfram af Jermaine Hamlin og Eiríki Frímanni, sáu til þess að Skallagrímur var með forystu eftir fyrsta leikhlutann, 31-29.

Skallagrímur náði að koma komast í átta stiga forystu þegar Sævar Pálmason skoraði úr sniðskoti og var mikil stemning í Fjósinu. KFG náði hægt og rólega að vinna á forystu Skallagríms en þegar um þrjár mínútur voru til hálfleiks tróð Viktor Jónas, leikmaður KFG, boltanum í körfuna og kom KFG yfir, 51-52. Aftur stigu þeir Jermaine Hamlin og Eiríkur Frímann upp fyrir heimamenn og gengu Skallagrímsmenn inn í hálfleik með forystuna 60-56.

Magnús Engill og Sævar Pálmason leikmenn Skallagríms komu einbeittir út úr búningsklefa og voru búnir að setja snögg átta stig á töfluna fyrir heimamenn, þegar um tvær mínútur höfðu liðið af seinni hálfleik. Varnarleikurinn var grimmari, leikmenn Skallagríms þvinguðu gestina í erfiðar aðstæður á vellinum og náðu heimamenn upp tíu stiga forystu þegar um fimm mínútur voru eftir af þriðja leikhluta, 79-69. Sævar Pálmason og Orri Jónsson komu með mikla ákefð inn í varnarleik Skallagríms og fóru heimamenn í 15-5 áhlaup og lokuðu þannig þriðja leikhluta með stöðunni 94-74.

Skallagrímur hélt forystu sinni í tuttugu stigum og fengu yngri leikmenn liðsins að spreyta sig undir lok leiks. Yngsti leikmaðurinn, Sigurgeir Erik Þorvaldsson, lék sinn fyrsta leik í meistaraflokki og brutust út mikil fagnaðarlæti þegar hann hljóp inn á parketið. Öruggur og mikilvægur sigur hjá Skallagrími gegn KFG, 124-106.

Jermaine Hamlin skoraði 30 stig fyrir Skallagrím og Eiríkur Frímann Jónsson skoraði 28 stig. Í liði KFG skoraði Deangelo Epps 27 stig og Viktor Jónas Lúðvíksson skoraði 25 stig.

Næsti leikur Skallagríms er föstudaginn 28. febrúar en þá tekur liðið á móti KV.

Fréttaveita Vesturlands

Mikilvægur sigur Skallagríms