Jóhann Páll Jóhannsson umhverfis-, orku- og loftslagsráðherra hefur ákveðið veiðiheimildir til hreindýraveiða, gjaldskrá veiðileyfa fyrir árið 2025 og skiptingu þeirra milli sveitarfélaga. Gjald fyrir úthlutun hreindýraveiðileyfis fyrir tarf verður 231.600 kr. og 132.000 kr. fyrir kú. Er það hækkun um 20% frá síðasta veiðitímabili. Það verður svo Náttúruverndarstofnun sem auglýsir og sér um sölu allra veiðiheimilda.