medium

large

thumbnail

1536x1536

2048x2048

small

custom-size

Maðurinn á batavegi

SSV fær styrk til tveggja byggðaverkefna í Dalabyggð

Sveitarfélög þurfa að gera ráðstafanir til að mæta nýjum kjarasamningum

Skíðadeild UMFG hyggst byggja nýtt aðstöðuhús

Rósa Guðrún með útgáfutónleika í Kaldalóni á laugardaginn

Áætlanir um Upplifunargarð í Borgarnesi settar á ís

core/paragraph

Í Brekkubæjarskóla á Akranesi hófst í byrjun árs 2024 endurgerð 1. hæðar í skólanum sem er um 2.100 fermetrar auk kjallararýmis og nokkurra rýma á 2. og 3. hæð. Verkinu er skipt í tvo áfanga. Vinna við áfanga eitt er langt komin og vinna við áfanga tvö er að hefjast. Áætlað er að seinni áfanga ljúki í lok árs 2025 og er heildarkostnaður framkvæmdarinnar um 980 milljónir króna.

Í Framkvæmdafréttum á vef Akraneskaupstaðar kemur fram að í fyrsta áfanga, sem er um 1.100 fm, var verkefnið að endurnýja kennslueldhús á núverandi stað og útbúa rými fyrir geymslu og kæla ásamt nýju inntaksrými fyrir vatnsúðakerfi. Eldri snyrtingar voru endurnýjaðar ásamt eldri lyftu sem var stækkuð í leiðinni og nýbygging anddyris. Innréttað var rými fyrir sérkennslustofur, sálfræðing, námsráðgjafa, hjúkrun og tónmennt. Breytingar fólu í sér að nýta að mestu steypta veggi en bæta við gipsveggjum, glerveggjum, leggja nýjar lagnir og loftræstingu, rafmagn og loftaefni ásamt lýsingu auk gólfefna.

Samkomusalur verður endurnýjaður

Í öðrum áfanga, sem er um 1.000 fm á að endurnýja samkomusal ásamt því að setja nýjan glugga aftan við sviðið, breikka tröppur niður í salinn og útbúa rými fyrir lyftu. Mötuneytiseldhús er endurnýjað en tæki að mestu notuð áfram. Þar sem áður voru tónlistarstofa, námsráðgjafar og sálfræðingur koma nú í þessum áfanga smíðastofa, myndmennt og hannyrðir ásamt nýjum snyrtingum á eldri anddyrisgangi. Eldri setustofa nemenda er sameinuð nýju anddyri með tilheyrandi breytingum. Breytingar fela í sér eins og í fyrri áfanga að nýta að mestu steypta veggi en bæta við gipsveggjum, glerveggjum, leggja nýjar lagnir og loftræstingu, rafmagn og loftaefni ásamt lýsingu auk gólfefna.

Í byrjun þessa árs er verkið statt þannig að nýjar tónlistarstofur eru tilbúnar til notkunar og ný rými fyrir stoðþjónustu og er verið að flytja starfsemina yfir í ný rými. Kennslueldhús er tilbúið og var það tekið í notkun í byrjun október síðastliðinn. Vinna við nýtt anddyri gengur vel, uppsteypu er lokið og búið er að setja upp glerhjúp. Nú eru í gangi flutningar yfir í ný rými sem eru tilbúin og verður 1. hæðin (guli gangurinn) þar sem stoðþjónusta var, gerð fokheld og endurgerð (áfangi 2). Á þeirri hæð verða nýjar list- og verkgreinarstofur útbúnar, þ.e fyrir smíði, textíl og myndmennt. Eldra anddyri verður breytt og komið fyrir nýjum salerniskjarna en það svæði mun svo tengjast yfir í nýja anddyrið.

Framkvæmdir hafa reynt á starfsfólk og nemendur

Að sögn Arnbjargar Stefánsdóttur skólastjóra Brekkubæjarskóla eru starfsmenn í skýjunum með nýja og glæsilega aðstöðu fyrir tónmennt og stoðþjónustu sem skólinn fékk afhent í síðustu viku. „Þetta er langþráður áfangi og hefur raskið sem fylgir framkvæmdum reynt á starfsfólk og nemendur. Það er gaman að sjá hvað það hefur tekist vel til. Við höfum alltaf átt í góðu samstarfi við framkvæmdaðila, það er líka flókið fyrir þá að sinna svona stórri framkvæmd með skólastarf í fullum gangi og tæplega 600 manns í húsinu á sama tíma. Við starfsfólk skólans vorum með í hönnunarferlinu frá fyrsta degi og það er gaman að sjá þetta raungerast.“

Arnbjörg segir einnig að framundan er næsti áfangi þar sem nýtt anddyri, salurinn, mötuneytið, list- og verkgreinastofur og félagsaðstaða unglinga eru undir. „Í hönnun á skipulagi þeirrar aðstöðu verður starfsfólk og nemendur hafðir með í ráðum. Í þeirri framkvæmd verður vinnusvæðið alveg aðgreint frá skólastarfinu sem verður gott, bæði fyrir skólastarfið og framkvæmdaraðila.“

Verktakar við endurgerð Brekkubæjarskóla eru SF smiðir, arkitektar hússins eru Andrúm arkitektar ehf. og verkfræðihönnun er í höndum verkfræðistofunnar Víðsjár ehf.

core/image

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Framkvaemdir-i-Brekko-ganga-vel-2-1200x541.jpg" alt="" class="wp-image-88107" /><figcaption>Séð inn í nýju tónmenntastofuna. Ljósm. Brekkó</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Framkvaemdir-i-Brekko-ganga-vel-3-1200x541.jpg" alt="" class="wp-image-88108" /><figcaption>Hér má sjá mynd af rými stoðþjónustunnar. Ljósm. Brekkó</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Framkvaemdir-i-Brekko-ganga-vel-4-1200x1600.jpg" alt="" class="wp-image-88109" /><figcaption>Gangur á 1. hæð skólans. Ljósm. akranes.is</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Framkvaemdir-i-Brekko-ganga-vel-5-1200x541.jpg" alt="" class="wp-image-88110" /><figcaption>Upptökurými þar sem hægt verður að taka upp þætti og hlaðvörp. Ljósm. Brekkó</figcaption></figure>

<figure class="wp-block-image size-large is-style-default"><img src="https://umsjon.skessuhorn.is/wp-content/uploads/2025/02/Framkvaemdir-i-Brekko-ganga-vel-6-1200x541.jpg" alt="" class="wp-image-88111" /><figcaption>Skrifstofa fyrir náms- og félagsráðgjafa. Ljósm. Brekkó</figcaption></figure>

Fréttaveita Vesturlands

Framkvæmdir í Brekkó ganga vel