„Vegna ástands vega, yfirlýsts hættuástands og þungatakmarkana frá Borgarnesi vestur í Búðardal getum við ekki tryggt eðlilega framvindu við verkefnið. Steypubílar geta aðeins flutt 75% af af því magni sem þeir geta flutt til okkar og steypudæla má ekki aka vegina vegna þungatakmarkana,“ segir Baldur Ó. Kjartansson verkstjóri hjá Eykt sem stýrir framkvæmdum við byggingu nýrra íþróttamannvirkja í Búðardal. „Þetta þýðir að aksturskostnaður við hvern rúmmetra af steypu eykst gríðarlega m.a. vegna minnkaðs magns í steypubíl og við þurfum að steypa oftar og minni steypur því steypudælan hefur meiri öxulþunga en 10 tonn og getur því ekki komið til okkar,“ segir Baldur.